February 29, 2024
February 29, 2024
ദോഹ: ഖത്തറിലേക്ക് ഒളിപ്പിച്ചു കടത്താൻ ശ്രമിച്ച നിരോധിത ലഹരി ഗുളികകൾ എയർ കാർഗോ കസ്റ്റംസ് വിഭാഗം പിടികൂടി. ഖത്തറിലേക്ക് അയച്ച പാഴ്സലിൽ നിന്ന് 27,930 ക്യാപ്റ്റഗൺ ഗുളികകളാണ് പിടിച്ചെടുത്തത്. സംശയത്തെ തുടർന്ന് കസ്റ്റംസ് ഇൻസ്പെക്ടർ നടത്തിയ പരിശോധനയിൽ ചൂടാക്കാനുള്ള ഉപകരണത്തിനുള്ളിൽ മയക്കുമരുന്ന് ഗുളികകൾ നിറച്ചതായി കണ്ടെത്തുകയായിരുനിന്നു. ലഹരി ഗുളികകൾ പിടിച്ചെടുക്കുന്നതിന്റെ വീഡിയോയും അധികൃതർ സമൂഹ മാധ്യമങ്ങളിൽ പങ്കുവെച്ചിട്ടുണ്ട്.
#جمارك_قطر #كافح pic.twitter.com/MS3OgQw45b
— الهيئة العامة للجمارك (@Qatar_Customs) February 29, 2024
കുറ്റകൃത്യങ്ങളും കസ്റ്റംസ് ലംഘനങ്ങളും തടയാന് ലക്ഷ്യമിട്ട് നടത്തുന്ന ദേശീയ കാമ്പയിനിൽ (കാഫിഹ്) പങ്കെടുക്കണമെന്നും കസ്റ്റംസ് ജനറൽ അതോറിറ്റി അഭ്യർത്ഥിച്ചു. നിരോധിതമോ നിയന്ത്രിതമോ ആയ വസ്തുക്കളുടെ കള്ളക്കടത്ത്, കസ്റ്റംസ് രേഖകളിലും ഇന്വോയ്സുകളിലും കൃത്രിമം കാണിക്കല്, മറ്റ് നിയമലംഘനങ്ങള് എന്നിവയുമായി ബന്ധപ്പെട്ട വിവരങ്ങള് കസ്റ്റംസിന്റെ ഔദ്യോഗിക ഇമെയില് വഴിയോ 16500 എന്ന നമ്പറിലൂടെയോ അറിയിക്കണമെന്നും കസ്റ്റംസ് വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F