November 14, 2023
November 14, 2023
ദോഹ: ഖത്തറിൽ കൂടുതൽ ഡെസേർട്ട് ആംബുലൻസുകൾ സർവീസിന് പദ്ധതിയിട്ട് ഹമദ് മെഡിക്കൽ കോർപ്പറേഷൻ (എച്ച്എംസി). മരുഭൂമിയിലേക്ക് പ്രവേശിക്കാൻ കൂടുതൽ കരുത്തുറ്റ ഫോർ വീൽ വാഹനങ്ങളാണ് പദ്ധതിയിലുള്ളത്. ഖത്തർ ടി.വിക്ക് നൽകിയ അഭിമുഖത്തിലാണ് ആംബുലൻസ് സർവീസ് അസിസ്റ്റന്റ് എക്‌സിക്യൂട്ടീവ് ഡയറക്ടർ അലി ദർവിഷ് പദ്ധതിയെ കുറിച്ച് സംസാരിച്ചത്.
ആംബുലൻസ് സർവീസ് പോയിന്റുകൾ നിശ്ചയിക്കുന്നത് ജനസാന്ദ്രതയനുസരിച്ചല്ലെന്നും, ഒരു പ്രത്യേക സ്ഥലത്ത് നിന്ന് ലഭിക്കുന്ന കോളുകളുടെ എണ്ണമനുസരിച്ചാണെന്നും ദർവിഷ് വ്യക്തമാക്കി.
ആംബുലൻസ് സേവനം ലഭിക്കാൻ ഒരു വ്യക്തി അഞ്ച് പോയിന്റുകൾ അറിഞ്ഞിരിക്കണം. 999 ഡയൽ ചെയ്യുക, നിങ്ങളുടെ സ്ഥലം അറിയുക, എല്ലാ ചോദ്യങ്ങൾക്കും ഉത്തരം നൽകുക, എല്ലാ നിർദ്ദേശങ്ങളും പാലിക്കുക, ആംബുലൻസുകൾക്ക് വഴി നൽകുക. ഇതാണ് ആംബുലൻസ് സേവനത്തിന് ചെയ്യേണ്ടതെന്ന് ദർവിഷ് പൊതുജനങ്ങളെ ഓർമപ്പെടുത്തി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
