November 14, 2023
November 14, 2023
ദോഹ: മികച്ച മൊബൈല്‍ ആപ്പിനുള്ള MENA ഡിജിറ്റല്‍ അവാര്‍ഡ് 2022 സുവര്‍ണ പുരസ്‌കാരം ഹയ്യ ടു ഖത്തര്‍ മൊബൈല്‍ ആപ്പിന് ലഭിച്ചു. ദുബായില്‍ നടന്ന പ്രത്യേക ചടങ്ങില്‍ എസ് സിയിലെ ഹയ്യ എക്‌സിക്യൂട്ടീവ് ഡയറക്ടര്‍ മുഹമ്മദ് അബുഗ്ലയും ഹയ്യ ഓപ്പറേഷന്‍സ് ഡയറക്ടര്‍ സയീദ് അല്‍ കുവാരിയും ചേര്‍ന്ന് പുരസ്‌കാരം ഏറ്റുവാങ്ങി. ഇതൊരു സുപ്രധാന നേട്ടമാണെന്നും ഖത്തറില്‍ വരാനിരിക്കുന്ന കായിക മത്സരങ്ങളില്‍ ആപ്പ് പ്രയോജനപ്പെടുത്താമെന്നും അബുഗ്ല പറഞ്ഞു.
സുപ്രീം കമ്മിറ്റി ഓഫ് ഡെലിവറി ആന്റ് ലെഗസി (എസ്‌സി) വികസിപ്പിച്ചെടുത്ത ഹയ്യ ടു ഖത്തര്‍ മൊബൈല്‍ ആപ്ലിക്കേഷനില്‍ 1.4 ദശലക്ഷം വിദേശ സന്ദര്‍ശകര്‍ ഉള്‍പ്പെടെ 3.4 ദശലക്ഷം പേര്‍ രജിസ്റ്റര്‍ ചെയ്തിരുന്നു. സ്റ്റേഡിയങ്ങളിലേക്കുള്ള പ്രവേശനത്തിന് പുറമേ, പ്രധാന ഇവന്റുകളുടേയും ലാന്‍ഡ്മാര്‍ക്കുകളുടേയും വിവരങ്ങള്‍ ഹയ്യ ടു ഖത്തര്‍ മൊബൈല്‍ ആപ് വഴി ലഭ്യമാക്കിയിരുന്നു. ഖത്തറിന്റെ ഔദ്യോഗിക വെബ്‌സൈറ്റുമായി ചേര്‍ന്ന് പ്രവര്‍ത്തിച്ചതിനാല്‍ ഏകീകൃത ഡിജിറ്റല്‍ അനുഭവം പ്രദാനം ചെയ്യാനും ആപ്പിന് കഴിഞ്ഞു.
ദോഹ എക്‌സ്‌പോ 2023, വരാനിരിക്കുന്ന എഎഫ്‌സി ഏഷ്യന്‍ കപ്പ് എന്നിവയുടെ പ്രവര്‍ത്തനങ്ങള്‍ക്ക് ഔദ്യോഗിക ഗേറ്റ്‌വേയായി ഹയ്യ പ്ലാറ്റ്‌ഫോം തുടരുകയാണ്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
