December 11, 2023
December 11, 2023
ദോഹ: ഖത്തറിൽ അവധിക്കാലം ആരംഭിച്ചതോടെ ഹമദ് അന്താരാഷ്ട്ര വിമാനത്താവളത്തിൽ കൂടുതൽ ഇളവുകൾ പ്രഖ്യാപിച്ചു. യാത്രക്കാർക്ക് മുൻക്കൂർ ചെക്ക്-ഇൻ സൗകര്യവും , പാർക്കിംഗ് നിരക്കിലുമാണ് ഇളവുകൾ പ്രഖ്യാപിച്ചത്.
യാത്രക്കാർക്ക് ഡിസംബർ 10 മുതൽ ജനുവരി 3 വരെ ഖത്തർ എയർവേയ്സിൽ യാത്ര ചെയ്യുന്നവർക്ക് (യു.എസ്.എയും കാനഡയും ഒഴികെയുള്ള സ്ഥലങ്ങൾ) വിമാനം പുറപ്പെടുന്നതിന് 12 മണിക്കൂർ മുതൽ 4 മണിക്കൂർ മുമ്പ് വരെ ചെക്ക്-ഇൻ ചെയ്യാനുള്ള സൗകര്യമുണ്ട്. കൂടാതെ, ഡിസംബർ 10 മുതൽ 2024 ജനുവരി 3 വരെ പാർക്കിംഗ് ഫീസിലും ഇളവുണ്ട്. ആദ്യ 60 മിനിറ്റിൽ പാർക്കിംഗ് ഫീസ് സൗജന്യമാണ്.
അതേസമയം, സെൽഫ്-സർവീസ് ചെക്ക്-ഇൻ, ബാഗ്-ഡ്രോപ്പ് സൗകര്യങ്ങളും വിമാനത്താവളത്തിൽ ലഭ്യമാണെന്നും, 18 വയസ്സിന് താഴെയുള്ള കുട്ടികളുമായി യാത്ര ചെയ്യുന്നില്ലെങ്കിൽ ഇ-ഗേറ്റുകളും യാത്രക്കാർക്ക് ഉപയോഗിക്കാമെന്ന് അധികൃതർ ഓർമപ്പെടുത്തി. യാത്രക്കാർക്ക് വിമാനത്താവളത്തിൽ അവരുടെ ലക്ഷ്യ സ്ഥാനത്ത് എത്താൻ സഹായിക്കുന്നതിന് 20 ഭാഷാ ഓപ്ഷനുകളുള്ള ഡിജിറ്റൽ അസിസ്റ്റൻസ് ടച്ച് പോയിന്റുകളിളും വിമാനത്താവളത്തിലുടനീളം ഉണ്ടായിരിക്കുമെന്ന് അധികൃതർ കൂട്ടിച്ചേർത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F