December 18, 2023
December 18, 2023
ദോഹ : ദേശീയ ദിനം ആഘോഷിക്കുന്ന ഖത്തറിന് ആശംസകൾ അറിയിച്ച് അറബ് രാജ്യങ്ങൾ. യു.എ.ഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ, വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം, ഉപപ്രധാനമന്ത്രിയും പ്രസിഡൻഷ്യൽ കോടതി ചെയർമാനുമായ ഷെയ്ഖ് മൻസൂർ ബിൻ സായിദ് അൽ നഹ്യാൻ തുടങ്ങിയ ഗൾഫിലെ ഭരണാധികാരികൾ, ഖത്തർ അമീറിനും പ്രധാനമന്ത്രിക്കും ആശംസകൾ നേർന്ന് സന്ദേശങ്ങൾ അയച്ചു.
കൂടാതെ, ഒമാൻ സുൽത്താൻ ഹൈതം ബിൻ താരിഖും ഖത്തർ അമീറിന് ആശംസകൾ അറിയിച്ചിട്ടുണ്ട്. അമീറിന്റെ നല്ല ആരോഗ്യത്തിനും സന്തോഷത്തിനും ദീർഘായുസ്സിനുമുള്ള ആത്മാർത്ഥമായ ആശംസകളും ഉൾപ്പെടുത്തിയാണ് സന്ദേശം.
'ഈ അവസരത്തിൽ ഖത്തർ അമീറിനും ഖത്തറി ജനതയ്ക്കും കൂടുതൽ പുരോഗതിയും, അവർ ആഗ്രഹിക്കുന്ന വളർച്ചയും സമൃദ്ധിയും കൈവരിക്കാൻ സർവ്വശക്തനായ ദൈവത്തോട് പ്രാർത്ഥിക്കുന്നു.'- ആശംസാ സന്ദേശത്തിൽ ഒമാൻ സുൽത്താൻ പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F