December 26, 2023
December 26, 2023
ദോഹ: ഗസയിൽ നിന്ന് വൈദ്യചികിത്സയ്ക്കായി ഫലസ്തീനികളുടെ അഞ്ചാമത്തെ സംഘം ഇന്നലെ (തിങ്കൾ) ഖത്തറിലെത്തി. ഖത്തർ വിദേശകാര്യ മന്ത്രാലയമാണ് ഈ കാര്യം അറിയിച്ചത്. ഡിസംബർ 24നാണ് ഗസയിൽ നിന്ന് ഫലസ്തീനികളുടെ നാലാമത്തെ ഗ്രൂപ്പ് ഖത്തറിലെത്തിയത്.
وصول الدفعة الخامسة من الجرحى الفلسطينيين بقطاع غزة للعلاج في الدوحة#الخارجية_القطرية pic.twitter.com/a7A19rd4tt
— الخارجية القطرية (@MofaQatar_AR) December 25, 2023
ഗസയില് പരിക്കേറ്റ 1500 പേരെ ചികിത്സിക്കാനും ഗസയില് നിന്ന് അനാഥരായ 3000 പേരെ സ്പോണ്സര് ചെയ്യാനും ഖത്തർ അമീര് ഷെയ്ഖ് തമീം ബിന് ഹമദ് അല്താനി നിര്ദേശം നല്കിയിരുന്നു. ഈജിപ്തുമായി സഹകരിച്ച് പരിക്കേറ്റവരേയും അവരുടെ കുടുംബാംഗങ്ങളേയും ചികിത്സയ്ക്കായി ആശുപത്രികളില് എത്തിക്കുമെന്ന് ഖത്തർ പ്രഖ്യാപിച്ചിരുന്നു. ഗസയിലെ ഫലസ്തീന് ജനതയ്ക്ക് സഹായം നല്കുന്നതിന്റെ ഭാഗമായാണ് ഖത്തറിന്റെ നടപടി.
അതേസമയം, ഗസയിൽ നിന്ന് ചികിത്സയ്ക്കായി ഖത്തറിലെത്തിയവരുടെ എണ്ണമോ അവർ ചികിത്സയിലുള്ള ആശുപത്രിയോ അധികൃതർ ഇതുവരെ പ്രഖ്യാപിച്ചിട്ടില്ല.
കൂടാതെ, ഗസയിലെ ഫലസ്തീനികള്ക്ക് സഹായവുമായി സായുധ സേനയുടെ 1,534 ടൺ സഹായവുമായി 49 വിമാനങ്ങളാണ് ഖത്തറില് നിന്ന് ഈജിപ്തിലേക്ക് എത്തിയത്. ഖത്തര് ഫോര് ഡെവലപ്മെന്റും( ക്യുഎഫ്എഫ്ഡി) ഖത്തര് റെഡ് ക്രസന്റ് സൊസൈറ്റിയും ചേർന്ന് നല്കുന്ന സഹായങ്ങള് റഫ അതിര്ത്തി വഴിയാണ് ഗസയില് എത്തുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F