December 31, 2023
December 31, 2023
ദോഹ: ഖത്തറിൽ ശൈത്യകാലം ആരംഭിച്ചതോടെ ദോഹ എക്സ്പോയിലെ ഫാമിലി ആൻഡ് കൾച്ചറൽ സോണുകളിൽ സന്ദർശക തിരക്ക് കൂടുന്നു. സോണുകളിൽ ആവേശകരമായ പരിപാടികളും, പ്രവർത്തനങ്ങളും, വർക്ക്ഷോപ്പുകളും, ഷോകളുമാണ് പൊതുജനങ്ങൾക്കായി ഒരുക്കിയിട്ടുള്ളത്. കൂടാതെ, കുട്ടികളെ ലക്ഷ്യമാക്കി നിരവധി കുടുംബ-സൗഹൃദ മേഖലകളും പഠന വിനോദ പരിപാടികളും ഒരുക്കിയിട്ടുണ്ട്.
എക്സ്പോയുടെ ഫാമിലി സോണിൽ കലാകാരന്മാരുമായി ചിറ്റ്-ചാറ്റിനും ഫോട്ടോ എടുക്കാനും സന്ദർശകർക്ക് അവസരമുണ്ട്. ഫാമിലി ആംഫിതിയേറ്ററുകളിൽ വിവിധ പ്രായക്കാർക്കായി സിനിമ പ്രദർശനവുണ്ടാകും. മൃഗങ്ങളും കളിപ്പാട്ടങ്ങളും ഫാമിലി സോണിൽ പ്രദർശിപ്പിച്ചിട്ടുണ്ട്. എക്സ്പോ സ്കൂളിൽ കുട്ടികൾക്കായി കളിയും പഠനവും പരിസ്ഥിതി വിദ്യാഭ്യാസ ശിൽപശാലകളും നടക്കും.
കൾച്ചറൽ ബസാറിൽ ഭക്ഷണശാലകളും പ്രവർത്തിക്കുന്നുണ്ട്. അവിടെ സന്ദർശകർക്ക് വിവിധ പാചക രീതികളിൽ നിന്ന് ഭക്ഷണ സാമ്പിൾ രുചിച്ചറിയാൻ സൗകര്യമുണ്ടായിരിക്കും. ഡിജിറ്റൽ തലമുറയ്ക്കായി, പ്രത്യേകിച്ച് 12 വയസും അതിനുമുകളിലും പ്രായമുള്ള കുട്ടികൾക്ക്, ഡിജിറ്റൽ പാർക്കും സന്ദർശിക്കാം. കൾച്ചറൽ സോണിൽ ഖത്തറിലെ സാംസ്കാരിക പാരമ്പര്യങ്ങളും അതുല്യമായ പ്രകൃതിദൃശ്യങ്ങളും ഉൾക്കൊള്ളുന്ന പ്രവർത്തനങ്ങളും ഷോകളുമാണ് സംഘടിപ്പിക്കുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F