October 26, 2023
October 26, 2023
ദോഹ: ഖത്തറില് തടവിലായ ഒരു മലയാളി ഉള്പ്പെടെയുള്ള എട്ട് മുന് ഇന്ത്യന് നാവിക സേനാ ഉദ്യോഗസ്ഥര്ക്ക് വധശിക്ഷ വിധിച്ചു. ഖത്തര് പ്രതിരോധ സേനയുമായി ചേര്ന്ന് പ്രവര്ത്തിക്കുന്ന അല് ദഹ്റ ഗ്ലോബല് ടെക്നോളജീസ് ആന്റ് കണ്സള്ട്ടന്സി സര്വീസസ് എന്ന സ്വകാര്യ സ്ഥാപനത്തില് ജോലി ചെയ്യുന്നതിന് ഖത്തറില് എത്തിയ ഉദ്യോഗസ്ഥര്ക്കാണ് വധശിക്ഷ വിധിച്ചത്.
ക്യാപ്റ്റന് നവ്തേജ് സിംഗ് ഗില്, ക്യാപ്റ്റന് സൗരഭ് വസിഷ്ത്, കമാന്ഡര് പുരേന്ദു തിവാരി, ക്യാപ്റ്റന് ബീരേന്ദ്ര കുമാര് വര്മ, കമാന്ഡര് സുഗുണാകര് പകല, കമാന്ഡര് സഞ്ജീവ് ഗുപ്ത, കമാന്ഡര് അമിത് നാഗ്പാല്, നാവികന് രാഗേഷ് എന്നിവര്ക്കാണ് ശിക്ഷ വിധിച്ചത്. കഴിഞ്ഞ വര്ഷം ഓഗസ്റ്റില് അറസ്റ്റ് ചെയ്ത ഉദ്യോഗസ്ഥരെ ഒരു വര്ഷമായി ഏകാന്ത തടവില് പാര്പ്പിച്ചിരിക്കുകയാണ്. അറുപത് വയസ്സിന് മുകളിലില് പ്രായമുള്ള ഉദ്യോഗസ്ഥര്ക്കാണ് ശിക്ഷ വിധിച്ചതെന്നാണ് വിവരം. രഹസ്യ വിചാരണയ്ക്ക് ശേഷം എട്ട് ഉദ്യോഗസ്ഥര്ക്കും വധശിക്ഷ വിധിക്കുകയായിരുന്നു.
ഉദ്യോഗസ്ഥര്ക്കെതിരെയുള്ള കുറ്റങ്ങള് എന്തെല്ലാമാണെന്ന് ഖത്തര് ഔദ്യോഗികമായി ഇതുവരെ വ്യക്തമാക്കിട്ടില്ല. അതേസമയം കഴിഞ്ഞ ദിവസങ്ങളില് ഖത്തറുമായി ഇന്ത്യ ഇത് സംബന്ധിച്ച് ചര്ച്ചകള് നടത്തിയിരുന്നു. ഞെട്ടിപ്പിക്കുന്ന നടപടിയെന്ന് ഇന്ത്യന് വിദേശകാര്യ മന്ത്രാലയം പ്രസ്താവനയില് വ്യക്തമാക്കി. ഖത്തറുമായി ആശയവിനിമയം നടത്തുമെന്നും മന്ത്രാലയം അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F