December 30, 2023
December 30, 2023
ദോഹ : പ്രവാസ ലോകത്തെ കേരള ബ്ലാസ്റ്റേഴ്സ് ഫാൻസ് ഗ്രൂപ്പായ ഖത്തർ മഞ്ഞപ്പട ദോഹയിൽ ഹമദ് മെഡിക്കൽ കോർപറേഷനുമായി സഹകരിച്ച് രക്തദാന ക്യാമ്പ് സംഘടിപ്പിച്ചു. പ്രവാസികൾക്കിടയിൽ രക്തദാനം പ്രോത്സാഹിപ്പിക്കുക എന്ന ലക്ഷ്യത്തോടെ നടക്കുന്ന ബോധവത്കരണത്തിന്റെ തുടർച്ചയായാണ് നാലാമത് രക്തദാന ക്യാമ്പ് സംഘടിപ്പിച്ചത്. ലോക കേരള സഭ അംഗവും ഐ.സി.ബി.എഫ് മാനേജ്മെൻറ് കമ്മറ്റി അംഗവുമായി റൗഫ് കൊണ്ടോട്ടി ക്യാമ്പ് ഉദ്ഘാടനം ചെയ്തു.150 ൽ പരം ആളുകൾ ക്യാമ്പിൽ പങ്കാളികളായി.
ഏഷ്യൻ കപ്പിനായി ഖത്തറിലെത്തുന്ന ഇന്ത്യൻ ഫുട്ബോൾ ടീമിന് പിന്തുണ അറിയിക്കുന്നതിന്റെ ഭാഗമായി പുറത്തിറക്കിയ ഫാൻ ജേഴ്സിയുടെ വിതരണവും ചടങ്ങിൽ നടന്നു. ഖത്തർ ലോകകപ്പ് വേളയിൽ നിറസാന്നിധ്യമായിരുന്ന മഞ്ഞപ്പട ഇത്തവണ ഏഷ്യ കപ്പ് വേളയിലും സജീവമായി തന്നെ വേദികളിൽ ഉണ്ടാവുമെന്ന് ഭാരവാഹികൾ അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F