August 21, 2023
August 21, 2023
ദോഹ: 2023 എഎഫ്സി ഏഷ്യൻ കപ്പിന്റെ ഉദ്ഘാടന മത്സരങ്ങളും അവസാന മത്സരങ്ങളും ലുസൈൽ സ്റ്റേഡിയത്തിൽ നടക്കുമെന്ന് അധികൃതർ അറിയിച്ചു. 2024 ജനുവരി 12 മുതൽ ഫെബ്രുവരി 10 വരെയാണ് ഏഷ്യൻ കപ്പ് മത്സരം. ഖത്തറിലെ ഒൻപത് സ്റ്റേഡിയങ്ങളിലായി ഗൾഫ് ഉൾപെടെയുള്ള ഏഷ്യയിലെ ഏറ്റവും മികച്ച ടീമുകളാണ് മത്സരത്തിനൊരുങ്ങുന്നത്.
ഉദ്ഘാടന ദിവസം വൈകുന്നേരം 7 മണിക്ക് ഖത്തറും ലെബനനും തമ്മിലാണ് ആദ്യ മത്സരം. അൽ ബൈത്ത്, അൽ ജനൂബ്, അൽ തുമാമ, അഹമ്മദ് ബിൻ അലി, എജ്യുക്കേഷൻ സിറ്റി, ഖലീഫ ഇന്റർനാഷണൽ എന്നീ സ്റ്റേഡിയങ്ങളിലും മത്സരങ്ങൾ നടക്കും.
ഇരുപത്തിനാല് ടീമുകളെ ആറ് ഗ്രൂപ്പുകളാക്കി തിരിച്ചായിരിക്കും വൻകരയിലെ മികവ് തെളിയിക്കാനുള്ള പോരാട്ടം നടക്കുക.. ഗ്രൂപ്പ് ഘട്ടത്തിൽ പ്രതിദിനം മൂന്ന് മത്സരങ്ങളുണ്ടാകും.
ചൈന, താജിക്കിസ്ഥാൻ, ലെബനൻ എന്നിവയ്ക്കൊപ്പം എ ഗ്രൂപ്പിലാണ് ഖത്തറിനെ ഉൾപ്പെടുത്തിയത്.
ലുസൈൽ സ്റ്റേഡിയത്തിൽ നടക്കുന്ന ഉദ്ഘാടന മത്സരത്തിന് ശേഷം ജനുവരി 17 വൈകിട്ട് 5:30ന് താജിക്കിസ്ഥാനെതിരെ അൽ ബൈത്ത് സ്റ്റേഡിയത്തിലും, ജനുവരി 22വൈകിട്ട് 6 ന് ഖലീഫ ഇന്റർനാഷണൽ സ്റ്റേഡിയത്തിൽ ചൈനക്കെതിരെയും ഖത്തർ മത്സരിക്കും. എ.എഫ്.സിയുടെ ഫൈനൽ മത്സരം ഫെബ്രുവരി 10ന് ലുസൈൽ സ്റ്റേഡിയത്തിൽ വൈകിട്ട് 6ന് ആരംഭിക്കും
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R