August 16, 2023
August 16, 2023
ന്യൂസ്‌റൂം ബ്യൂറോ
ദോഹ: റെഡ് ലൈനിലെ നെറ്റ്‌വർക്ക് സേവനങ്ങളിൽ മാറ്റങ്ങൾ വരുത്തിയതായി ദോഹ മെട്രോ അറിയിച്ചു. ഓഗസ്റ്റ് 18ന് (വെള്ളിയാഴ്ച്ച) റെഡ് ലൈൻ മെട്രോവിന് പകരം ബസുകൾ സർവീസ് നടത്തും. അറ്റകുറ്റ പണികൾക്കായാണ് സർവീസിൽ മാറ്റം വരുത്തുന്നത്.
അൽ വക്രയിൽ നിന്ന് ലുസൈൽ ക്യുഎൻബിയിലേക്കുള്ള വൺവേ, ലുസൈൽ ക്യുഎൻബിയിൽ നിന്ന് അൽ വക്രയിലേക്കുള്ള മടക്കയാത്ര, ഫ്രീ സോണിനും ഹമദ് അന്താരാഷ്ട്ര വിമാനത്താവളത്തിനും ഇടയിലുള്ള ഷട്ടിൽ എന്നിവയാണ് ബസ്സുകളുടെ സർവീസ് റൂട്ടുകൾ.
ഈ ബസുകൾ റാസ് ബു ഫോണ്ടാസ്, കത്താറ സ്റ്റേഷനുകളിൽ നിർത്തില്ലെന്നും ദോഹ മെട്രോ വ്യക്തമാക്കി. അതേസമയം മെട്രോ എക്‌സ്പ്രസും മെട്രോ ലിങ്കും സാധാരണ പോലെ പ്രവർത്തിക്കും.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm
