April 22, 2021
April 22, 2021
അൻവർ പാലേരി
ദോഹ : ഇന്ത്യയിൽ നിന്ന് ഉൾപെടെ ഖത്തറിലേക്ക് വരുന്ന എല്ലാ യാത്രക്കാർക്കും കോവിഡ് പരിശോധന നിർബന്ധമാക്കിയതോടെ കേരളത്തിലെ ഏതൊക്കെ ലാബുകളിൽ പരിശോധന നടത്തിയാലാണ് ഖത്തർ അംഗീകരിക്കുക...?ഇതുസംബന്ധിച്ച് നിരവധി സംശയങ്ങളാണ് പലരും ഉന്നയിക്കുന്നത്.
ഐസിഎംആർ അംഗീകാരമുള്ള ഇന്ത്യയിലെ കോവിഡ് പരിശോധനാ കേന്ദ്രങ്ങളിൽ നിന്നുള്ള നെഗറ്റിവ് സർട്ടിഫിക്കറ്റാണ് ഇതിനായി ഹാജരാക്കേണ്ടത്.പരിശോധനാഫലം ഖത്തറിൽ എത്തുന്നതിന് 72 മണിക്കൂർ മുമ്പ് ഉള്ളതായിരിക്കണം.താഴെ കൊടുത്തിരിക്കുന്ന ലിങ്കിൽ കേരളത്തിൽ ഉൾപ്പെടെ ഐസിഎംആർ അംഗീകാരമുള്ള ലാബുകളും വിശദവിവരങ്ങൾ ലഭ്യമാണ്.പട്ടികയിൽ ഇടതു വശത്തുള്ളവ സ്വകാര്യ ലാബുകളും വലതു ഭാഗത്ത് സർക്കാരിന് കീഴിലുള്ള പരിശോധനാ കേന്ദ്രങ്ങളുമാണ്.
അതേസമയം,കേരളത്തിലെ പല ആശുപത്രികളിലുമുള്ള ലാബുകളിൽ കോവിഡ് പരിശോധനക്ക് സൗകര്യമുണ്ടെങ്കിലും മിക്കവാറും അവിടെ ചികിത്സ തേടി എത്തുന്ന രോഗികൾക്കുള്ള പരിശോധന നടത്താൻ മാത്രമേ ശേഷിയുണ്ടാവൂ.കേരളത്തിൽ കോവിഡ് രോഗികളുടെ എണ്ണം ക്രമാതീതമായി വര്ധിക്കുന്നതിനാൽ ആശുപത്രികൾക്ക് പകരം സ്വകാര്യ ലാബുകളെ ആശ്രയിക്കുന്നതാവും ഉചിതം.
ലാബുകൾ ഏതൊക്കെയെന്ന് പരിശോധിക്കാനുള്ള ലിങ്ക്
മിക്ക ലാബുകളിലും 1700 രൂപവരെയാണ് ഇതിന് നിരക്ക് ഈടാക്കുന്നത്.മൈക്രോ ഹെൽത്ത് ലാബിൽ 1500 രൂപയാണ് നിരക്ക്.സർക്കാർ നിശ്ചയിച്ച നിരക്ക് 1700 രൂപയാണെങ്കിലും മൈക്രോ ഹെൽത്ത് ലാബ് ഉൾപ്പെടെ ചില ലാബുകൾ 20 ശതമാനം വരെ നിരക്കിളവ് നൽകുന്നുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
