March 27, 2023
March 27, 2023
ന്യൂസ്റൂം ബ്യുറോ
ദോഹ: റമദാനിൽ ആളുകളെ തെറ്റിദ്ധരിപ്പിക്കുന്ന തരത്തിൽ സമൂഹമാധ്യമങ്ങൾ വഴി നടക്കുന്ന പ്രചാരണങ്ങൾ കരുതിയിരിക്കണമെന്ന് ഖത്തര് നാഷണല് സൈബര് സെക്യൂരിറ്റി ഏജന്സി(എന്സിഎസ്എ) മുന്നറിയിപ്പ് നൽകി. വിശുദ്ധ റമദാന് മാസത്തില് വ്യാജനിക്ഷേപ പ്രചാരണങ്ങളുംഓഫറുകളും വാഗ്ദാനം ചെയ്താണ് ഇത്തരം വഞ്ചനാപരമായ കാമ്പയിനുകൾ നടക്കുന്നതെന്നും അധികൃതർ മുന്നറിയിപ്പ് നൽകി.
വ്യാജ പ്രചാരണങ്ങൾ പ്രമോട്ട് ചെയ്യുന്നതും അത്തരം കാമ്പയിനുകളുടെ ഭാഗമാകാതിരിക്കാനും പൊതുജനങ്ങള് ജാഗ്രത പാലിക്കണം.. പൊതുജനങ്ങളെ ആകര്ഷിക്കുന്ന രീതിയില് വലിയ ഓഫറുകളും മറ്റും നല്കി സ്വകാര്യ ബാങ്കിംഗ് ഡാറ്റ ശേഖരിക്കുകയാണ് ഇവര് ചെയ്യുന്നതെന്നും ഖത്തറിലെ ഔദ്യോഗിക സ്ഥാപനങ്ങള് ഇത്തരത്തില് വ്യക്തിഗത ഡാറ്റ ശേഖരിക്കാറില്ലെന്നും അധികൃതര് വ്യക്തമാക്കി.
ഖത്തറിലെ ഔദ്യോഗിക ഇടപാടുകളെല്ലാം ഹുക്കൂമി എന്ന ദേശീയ ഡോക്യുമെന്റേഷന് പ്ലാറ്റ്ഫോം വഴിയാണ് നടത്തേണ്ടതെന്ന് എന്സിഎസ്എ ഓർമിപ്പിച്ചു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/KIGk615xlF1ILlMGxpUXqI