February 27, 2023
February 27, 2023
ന്യൂസ്റൂം ബ്യുറോ
ദോഹ∙ ഖത്തർ ചാരിറ്റിയുടെ ഹ്യൂമാനിറ്റേറിയൻ അംബാസഡർ ആയി ഒളിപിംക് ചാംപ്യനും ഹൈജംപ് താരവുമായ മുതാസ് ഇസ ബർഷിമിനെ പ്രഖ്യാപിച്ചു.ഖത്തർ ചാരിറ്റി സിഇഒ യൂസഫ് ബിൻ അഹമ്മദ് അൽ കുവാരി പങ്കെടുത്ത ചടങ്ങിലാണ് പ്രഖ്യാപനം.
ലോക ചാംപ്യൻഷിപ്പിൽ ഹാട്രിക് സ്വർണമെഡൽ നേടിയ ആദ്യ ഹൈജംപ് താരവും മൂന്നു തവണ ലോക ചാംപ്യൻ കിരീടം നിലനിർത്തുന്ന മൂന്നാമത്തെ അറബ് അത്ലറ്റുമാണ് ബർഷിം.
ജീവകാരുണ്യ പ്രവർത്തനങ്ങളിൽ സാമൂഹിക അവബോധം വ്യാപരിപ്പിക്കുന്നതിനും ഖത്തറിലും ആഗോള തലത്തിലുമായി ഖത്തർ ചാരിറ്റി നടപ്പാക്കുന്ന ജീവകാരുണ്യ പദ്ധതികൾക്കും സംരംഭങ്ങൾക്കും പിന്തുണ നേടാനും ലക്ഷ്യമാക്കിയാണ് മുതാസ് ഇസ ബർഷിമിനെ ഹ്യൂമാനിറ്റേറിയൻ അംബാസഡർ ആയി തിരഞ്ഞെടുത്തത്.
കരാർ പ്രകാരം, ബർഷിം ഖത്തർ ചാരിറ്റിയുടെ വിവിധ പ്രാദേശിക, അന്തർദേശീയ സമ്മേളനങ്ങളിലും ഫീൽഡ് സന്ദർശനങ്ങളിലും മറ്റു പരിപാടികളിലും പങ്കാളിയാവുകയും സാമൂഹിക മാധ്യമങ്ങൾ വഴിയുള്ള കാമ്പയിനുകളിൽ പങ്കെടുക്കുകയും ചെയ്യും.
വാർത്തകൾ ലഭിക്കാൻ നിലവിൽ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/LiM4EdDAtkTAmYRCb0LMz9