September 23, 2022
September 23, 2022
ന്യൂസ്റൂം ബ്യുറോ
ദോഹ :ലോകകപ്പ് മത്സരങ്ങൾക്കായി ദോഹയിലെത്തുന്ന സന്ദർശകർ കോവിഡ്-19, ഇൻഫ്ലുവൻസ എന്നിവയ്ക്കെതിരെയുള്ള മുഴുവൻ പ്രതിരോധ കുത്തിവെപ്പുകളും എടുക്കണമെന്ന് ഖത്തർ പൊതുജനാരോഗ്യമന്ത്രാലയം അറിയിച്ചു.
"സന്ദർശകർ ദോഹയിൽ എത്തുന്നതിന് മുമ്പ് ബൂസ്റ്റർ ഡോസ് ഉൾപെടെ കോവിഡിനെതിരായ യോഗ്യതയുള്ള എല്ലാ പ്രതിരോധ കുത്തിവെപ്പുകളും പൂർത്തിയാക്കണമെന്ന് ശുപാർശ ചെയ്യുന്നു"-പൊതുജനാരോഗ്യ മന്ത്രാലയം അതിന്റെ മന്ത്രാലയത്തിന്റെ ഔദ്യോഗിക വെബ്സൈറ്റിൽ 'ഫാൻ ഹെൽത്ത് ഇൻഫർമേഷൻ' പേജിലെ പ്രീ-ട്രാവൽ അഡ്വൈസ് വിഭാഗത്തിൽ വ്യക്തമാക്കി.
സന്ദർശകർ മന്ത്രാലയത്തിന്റെ കോവിഡ്-19 വെബ്സൈറ്റ് സന്ദർശിച്ച്, ഖത്തറിലെ കോവിഡ്-19-നെക്കുറിച്ചുള്ള ഏറ്റവും പുതിയ വിവരങ്ങളും, ട്രാവൽ പോളിസിയും ഉൾപ്പെടെ, അപ്ഡേറ്റ് ചെയ്യണമെന്നും മന്ത്രാലയം നിർദേശിച്ചു.മന്ത്രാലയത്തിന്റെ ഫിഫ വേൾഡ് കപ്പ് ഖത്തർ 2022 ഫാൻ ഇൻഫർമേഷൻ പേജിൽ വിദേശത്ത് നിന്ന് ഖത്തറിലേക്ക് വരുന്ന ഫുട്ബോൾ ആരാധകർ സ്വീകരിക്കേണ്ട എല്ലാ ആരോഗ്യ നിർദേശങ്ങളും ഉൾപെടുത്തിയിട്ടുണ്ട്.സന്ദർശകർ ഖത്തറിലേക്ക് വരുന്നതിന് 6 ആഴ്ചയ്ക്കുള്ളിൽ ഒരു മെഡിക്കൽ പ്രൊഫഷണലിനെ സന്ദർശിച്ച് പരിശോധന നടത്തണമെന്നും പൊതുജനാരോഗ്യമന്ത്രാലയം നിർദേശിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക