October 01, 2021
October 01, 2021
അൻവർ പാലേരി
ദോഹ : പുരാവസ്തു തട്ടിപ്പിലൂടെ സംസ്ഥാനത്തെ ഉന്നതരെ പോലും കബളിപ്പിച്ച മോൻസൺ മാവുങ്കൽ ഖത്തറിൽ നിന്നെത്തിയ നാലു പേർക്ക് നൂറ്റാണ്ടുകൾ പഴക്കമുള്ള ഖുർആന്റെ കോപ്പികൾ നൽകിയെന്നും എന്നാൽ ഇവർ പണം തരാതെ കബളിപ്പിച്ചുവെന്നും മൊഴി.ചോദ്യം ചെയ്യലിനിടെയാണ് മോൻസൺ ഇക്കാര്യം ക്രൈംബ്രാഞ്ച് ഉദ്യോഗസ്ഥരോട് വെളിപ്പെടുത്തിയത്. നെടുമ്പാശേരിയിൽ വെച്ചാണ് ഇവർക്ക് ഖുർആൻ പ്രതികൾ കൈമാറിയതെന്നും മോൻസൺ പറഞ്ഞു. എന്നാൽ ഖത്തറിലെ ഈ നാലുപേരുടെയും പേര് വിവരങ്ങൾ ലഭ്യമായിട്ടില്ല.നേരത്തെ ഖത്തർ മ്യുസിയത്തിന്റെ പേരും മോൻസൺ തട്ടിപ്പിനായി ദുരുപയോഗപ്പെടുത്തിയതായി റിപ്പോർട്ടുകൾ വന്നിരുന്നു.
മുൻ ഡി.ഐ.ജി ലോക്നാഥ് ബഹ്റയെ തനിക്ക് പരിചയപ്പെടുത്തിയത് പ്രവാസി മലയാളി ഫെഡറേഷൻ കോർഡിനേറ്ററായ അനിതാ പുല്ലയിലാണെന്നും മോൻസൺ മൊഴി നൽകി.