January 11, 2023
January 11, 2023
ന്യൂസ്റൂം ബ്യുറോ
ദോഹ : ഖത്തറിൽ സ്ഥാപനങ്ങളുടെ വിവരങ്ങൾ പുതുക്കാൻ മെട്രാഷ് 2 ആപ്പിൽ സൗകര്യം ഒരുക്കി.സ്ഥാപനത്തിന്റെ വാണിജ്യ-വ്യവസായ മന്ത്രാലയവുമായി ബന്ധപ്പെട്ട എല്ലാ നടപടിക്രമങ്ങളും പൂർത്തിയാക്കിയവർക്കാണ് ഈ സൗകര്യം പ്രയോജനപ്പെടുത്താൻ കഴിയുക.സേവനത്തിനായി മെട്രാഷ് 2 ആപ്പിൽ പ്രവേശിച്ച് ഹോം പേജിലെ ജനറൽ സർവീസ് തിരഞ്ഞെടുക്കണം. എസ്റ്റാബ്ലിഷ്മെന്റ് സർവീസ് തിരഞ്ഞെടുത്ത് അപ്ഡേറ്റ്/റിന്യൂ എസ്റ്റാബ്ലിഷ്മെന്റ് എന്ന ഓപ്ഷനിൽ ക്ലിക്ക് ചെയ്യണം. പുതുക്കൽ അല്ലെങ്കിൽ അപ്ഡേറ്റ് ചെയ്യാനായി 6 ഓപ്ഷനുകൾ കാണാം.സ്ഥാപനത്തിന്റെ പൊതു വിവരങ്ങൾ, മേൽവിലാസം, ഉടമസ്ഥന്റെ വിവരങ്ങൾ, അംഗീകൃത വ്യക്തിയുടെ വിവരങ്ങൾ, പ്രവർത്തനങ്ങൾ, ലൈസൻസ് എന്നിവയാണത്. സേവന വിവരങ്ങൾ വിഡിയോ സഹിതം ആഭ്യന്തര മന്ത്രാലയത്തിന്റെ ഫെയ്സ്ബുക്ക്, ട്വിറ്റർ അക്കൗണ്ടുകളിൽ വിശദീകരിച്ചിട്ടുണ്ട്.
2012 ൽ തുടക്കമിട്ട ആഭ്യന്തര മന്ത്രാലയത്തിന്റെ സേവന ആപ്ലിക്കേഷനായ മെട്രാഷ് 2 വിൽ പൗരന്മാർക്കും പ്രവാസികൾക്കുമായി മലയാളം ഉൾപ്പെടെ 6 ഭാഷകളിലായി 250 തിലധികം സേവനങ്ങളാണ് മന്ത്രാലയം നൽകുന്നത്. ഗതാഗതം, വിസിറ്റ് വീസ, റസിഡന്റ് പെർമിറ്റ് തുടങ്ങി ഒട്ടുമിക്ക സേവനങ്ങളും ഇതിലൂടെ പൂർത്തിയാക്കാൻ കഴിയും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക