August 31, 2022
August 31, 2022
ദോഹ : ഖത്തറിൽ അടഞ്ഞ പൊതുസ്ഥലങ്ങളിൽ മാസ്ക് ധരിക്കണമെന്ന നിബന്ധന പിൻവലിച്ചു.പ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഖാലിദ് ബിൻ ഖലീഫ ബിൻ അബ്ദുൽ അസീസ് അൽതാനിയുടെ അധ്യക്ഷതയിൽ അമീരി ദിവാനിൽ ബുധനാഴ്ച ചേർന്ന മന്ത്രിസഭാ യോഗത്തിലാണ് ഇതുസംബന്ധിച്ച പ്രഖ്യാപനമുണ്ടായത്.
ഇതനുസരിച്ച് ആരോഗ്യ കേന്ദ്രങ്ങളിലോ പൊതുഗതാഗതം ഉപയോഗിക്കുമ്പോഴോ ഒഴികെ അടഞ്ഞ പൊതുസ്ഥലങ്ങളിൽ മാസ്ക് ഒഴിവാക്കാം.അതേസമയം,തുറസ്സാല്ലാത്ത,അടഞ്ഞ സ്ഥലങ്ങളിൽ ഉപഭോക്താക്കളുമായി ആശയവിനിമയം നടത്തേണ്ടിവരുന്ന ജീവനക്കാരും തൊഴിലാളികളും ജോലി സമയങ്ങളിൽ മാസ്ക് ധരിക്കേണ്ടിവരും.
തീരുമാനം സെപ്തംബർ 1(നാളെ)മുതൽ പ്രാബല്യത്തിൽ വരും.
ന്യൂസ്റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക