July 22, 2021
July 22, 2021
ദോഹ: മലപ്പുറം സ്വദേശി ഖത്തറില്‍ ഹൃദയാഘാതം മൂലം മരിച്ചു. കോട്ടക്കല്‍ പറപ്പൂര്‍ ചോലക്കുണ്ട് സ്വദേശി സിറാജുദ്ദീന്‍ താഴെക്കാട്ട് (47) ആണ് മരിച്ചത്. നേരത്തേ സൗദിയിലായിരുന്ന സിറാജ് ഒന്നര വര്‍ഷം മുമ്പാണ് ദോഹയിലെത്തിയത്. വകറയിലെ ഒരു ഇലക്ട്രിക്കല്‍ കടയില്‍ ജോലി ചെയ്ത് വരികയായിരുന്നു. കിഡ്‌നി സംബന്ധമായ അസുഖത്തെ തുടര്‍ന്ന് 12 ദിവസം മുമ്പാണ് വകറ ആശുപത്രിയില്‍ പ്രവേശിപ്പിച്ചത്. എന്നാല്‍ ഹൃദയത്തില്‍ ബ്‌ളോക്കുകള്‍ കണ്ടതിനാല്‍ ഹാര്‍ട്ട് ആശുപത്രിയിലേക്ക് മാറ്റുകയായിരുന്നു. ബുഷ്‌റയാണ് ഭാര്യ. മുഹമ്മദ് റിസാല്‍, മുഹമ്മദ് സമാല്‍ എന്നിവര്‍ മക്കളാണ്. സഹോദരന്‍ സിദ്ദീഖ് ദോഹയിലുണ്ട്.
