February 19, 2023
February 19, 2023
ന്യൂസ്‌റൂം ബ്യുറോ
ദോഹ :സ്റ്റേഡിയം ഡിബി ( StadiumDB) വെബ്‌സൈറ്റിന്റെ 'സ്റ്റേഡിയം ഓഫ് ദ ഇയർ' നോമിനേഷൻ പട്ടികയിൽ ഖത്തർ ലോകകപ്പ് ഫൈനൽ വേദിയായ ലുസൈൽ സ്റ്റേഡിയവും ഇടം പിടിച്ചു.ലോകമെമ്പാടുമുള്ള 23 സ്റ്റേഡിയങ്ങളുടെ പട്ടികയിലാണ് ഖത്തർ കായികമേഖലയുടെ അഭിമാന ചിഹ്നമായ ലുസൈൽ സ്റ്റേഡിയവും പരിഗണിക്കപ്പെട്ടത്.
സ്റ്റേഡിയം ഡിബിയുടെ പ്രതിവർഷം നടക്കുന്ന ഏറ്റവും മികച്ച സ്റ്റേഡിങ്ങൾ തെരഞ്ഞെടുക്കാനുള്ള നോമിനേഷനിൽ അഞ്ച് സ്റ്റേഡിയങ്ങൾ തിരഞ്ഞെടുക്കാനും അവയെ 5 സ്റ്റാർ സ്കെയിലിൽ റേറ്റിങ് നൽകാനും കായികപ്രേമികൾക്ക് അവസരമുണ്ടാകും.ഇക്കഴിഞ്ഞ ഫിഫ ലോകകപ്പ് ഫൈനലിൽ ലയണൽ മെസ്സിയുടെ അപൂർവ കിരീടധാരണത്തിലൂടെ ലുസൈൽ സ്റ്റേഡിയം ലോകഫുട്‍ബോൾ ചരിത്രത്തിൽ ഇടം നേടിയിരുന്നു.
23 സ്റ്റേഡിയങ്ങളുടെ അന്തിമപട്ടികയിൽ ലോകത്തിലെ എല്ലാ ഭൂഖണ്ഡങ്ങളിൽ നിന്നുമുള്ള സ്റ്റേഡിയങ്ങൾ ഉൾപ്പെടും.ഇവയിൽ 12 എണ്ണവും ചൈനയിൽ നിന്നാണ്.
വോട്ട് ചെയ്യാനുള്ള ലിങ്ക് :http://stadiumdb.com/competitions/stadium_of_the_year_2022
ഇറാഖിലെ അൽ-മിന, അൽ-സവ്‌റ സ്റ്റേഡിയങ്ങൾ എന്നിവയാണ് അറബ് ഗൾഫ് മേഖലയിൽ നിന്നുള്ള മറ്റു നോമിനികൾ.വോട്ടിംഗ് 2023 മാർച്ച് 14 അർദ്ധരാത്രി വരെ തുടരും.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/LiM4EdDAtkTAmYRCb0LMz9 എന്ന ലിങ്കിൽ ജോയിൻ ചെയ്യുക
