October 19, 2022
October 19, 2022
ന്യൂസ്‌റൂം ബ്യുറോ
ദോഹ : കഴിഞ്ഞ ദിവസം ഉൽഘാടനം ചെയ്ത ഖത്തർ ലുസൈൽ സിറ്റിയിലെ ഇലക്ട്രിക് ബസ് ഡിപ്പോ ഗിന്നസ് വേൾഡ് റെക്കോർഡിൽ ഇടംപിടിച്ചു. 478 ബസുകളെ ഉൾകൊള്ളാൻ ശേഷിയുള്ള ലുസൈൽ ബസ് ഡിപ്പോ സോളാർ എനർജിയിൽ പ്രവർത്തിക്കുന്ന മേഖലയിലെ ആദ്യ ബസ് ഡിപ്പോ കൂടിയാണ്.
പതിനൊന്നായിരത്തോളം സോളാര്‍ പാനലുകളില്‍ നിന്ന് നാല് മെഗാവാട്ട് വൈദ്യുതിയും ഇവിടെ ഉദ്പാദിപ്പിക്കും.
1400 പേർക്ക് താമസിക്കാവുന്ന സ്റ്റാഫ് അക്കോമഡേഷൻ കെട്ടിടങ്ങൾ ഉൾപ്പെടെ 24 വിവിധോദ്ദേശ്യ കെട്ടിടങ്ങളാണ് ഡിപ്പോയിലുള്ളത്.
മൂന്ന് സോണുകളായാണ് ഡിപ്പോയെ തിരിച്ചിരിക്കുന്നത്. ആദ്യത്തെ സോണില്‍ ഇലക്ട്രിക് ബസുകള്‍ക്കായി 478 പാര്‍ക്കിങ് ബേകളാണുള്ളത്. ഇവിടെ 248 ചാര്‍ജിങ് ഉപകരണങ്ങളും സജ്ജീകരിച്ചിട്ടുണ്ട്.
രണ്ടാമത്തെ സോണില്‍ ഡിപ്പോയിലെ ജീവനക്കാര്‍ക്കുള്ള താമസ സൗകര്യമാണ്. അന്താരാഷ്ട്ര മാനദണ്ഡങ്ങള്‍ പ്രകാരം സജ്ജീകരിച്ചിരിക്കുന്ന താമസ സ്ഥലത്ത് 1400 പേര്‍ക്കുള്ള സൗകര്യങ്ങളുണ്ട്. ജീവനക്കാര്‍ക്ക് ഭക്ഷണം കഴിക്കാനും മറ്റ് വിനോദങ്ങളില്‍ ഏര്‍പ്പെടാനുമുള്ള സ്ഥലങ്ങള്‍, പള്ളി, അഡ്‍മിനിസ്ട്രേഷന്‍ ബില്‍ഡിങ്, സര്‍വീസസ് ബില്‍ഡിങ്, ഗാര്‍ഡ് ഹൗസുകള്‍, മറ്റ് സംവിധാനങ്ങള്‍ എന്നിവയാണ് അവിടെയുള്ളത്.
മൂന്നാമത്തെ സോണില്‍ ബസ് റാപ്പിഡ് ട്രാന്‍സിറ്റ് പദ്ധതിക്ക് കീഴിലുള്ള ഇലക്ട്രിക് ബസുകള്‍ക്കുള്ള സംവിധാനങ്ങളാണുള്ളത്. 24 ബസ് ബേകളും അത്രയും തന്നെ ചാര്‍ജറുകളുമാണ് ഇവടെ സജ്ജീകരിച്ചിട്ടുള്ളത്. ബസുകളുടെ അറ്റകുറ്റപ്പണികള്‍ക്കും ക്ലീനിങിനും വാക്വം ചെയ്യാനും പരിശോധനകള്‍ക്കുമൊക്കെയുള്ള സംവിധാനങ്ങളും ഇവിടെയുണ്ടാവും.
ഇതിന് പുറമെ പ്രത്യേക ഓപ്പറേഷന്‍ കണ്‍ട്രോള്‍ സെന്ററും (ഒ.സി.സി) പുതിയ ബസ് ഡിപ്പോയില്‍ ഉണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക
