December 02, 2022
December 02, 2022
അൻവർ പാലേരി
ദോഹ : കണ്ണൂരിൽ നിന്ന് ദോഹയിലേക്ക് പുറപ്പെട്ട ഇൻഡിഗോ 6E1715 വിമാനം സാങ്കേതിക തകരാറിനെ തുടർന്ന് മുംബൈയിലേക്ക് വഴിതിരിച്ചുവിട്ടു. ഇന്ന് വൈകീട്ട് 4.48 ന് കണ്ണൂരിൽ നിന്നും പുറപ്പെട്ട വിമാനത്തിലെ 3 ഹൈഡ്രോളിക് സംവിധാനങ്ങളിൽ ഒന്ന് പ്രവർത്തനരഹിതമായതിനെ തുടർന്നാണ് മുംബൈ ഛത്രപതി ശിവജി മഹാരാജ് അന്താരാഷ്ട്ര വിമാനത്താവളത്തിലേക്ക് തിരിച്ചുവിട്ടത്. വിമാനം സുരക്ഷിതമായി മുംബയിൽ ഇറക്കിയതായി ഇൻഡിഗോ വൃത്തങ്ങൾ അറിയിച്ചു.
വിശദമായ പരിശോധനയ്ക്കും അറ്റകുറ്റപ്പണികൾക്കുമായി വിമാനം നിലത്തിറക്കിയിരിക്കുകയാണെന്ന് ഉദ്യോഗസ്ഥർ അറിയിച്ചു.എന്നാൽ വിമാനം എപ്പോൾ പുറപ്പെടുമെന്നും യാത്രക്കാർക്ക് പകരം വിമാനം ഏർപെടുത്തിയിട്ടുണ്ടോ എന്നതുൾപ്പെടെയുള്ള വിവരങ്ങൾ നിലവിൽ ലഭ്യമായിട്ടില്ല.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക