May 21, 2023
May 21, 2023
ന്യൂസ്‌റൂം ബ്യുറോ
ദോഹ : ഖത്തറിലെ നാടൻപാട്ട് സംഘമായ "കനൽ ഖത്തർ" ഖത്തറിലെ സ്കൂള്‍ കുട്ടികൾക്കായി നാടൻപാട്ട് ശില്പശാല സംഘടിപ്പിക്കുന്നു.
പ്രവാസികളായ കുട്ടികളില്‍ നാടിന്റെ സംസ്കാരവും പൈതൃകവും ഒരു ഓർമ്മപ്പെടുത്തലായി പകർന്നുനൽകാൻ ലക്ഷ്യമാക്കിയാണ് പരിപാടി സംഘടിപ്പിക്കുന്നതെന്ന് സംഘാടകർ അറിയിച്ചു.
നാടൻപാട്ടുകളുടെയും നാടന്‍കലകളുടെയും ചരിത്രം പകർന്നു നൽകുകയും, പുതിയ തലമുറകളിലേക്ക് അതിന്‍റെ സാംസ്കാരിക പ്രാധാന്യം പങ്കുവെക്കുകയും കൂടിയാണ് കനൽ ഖത്തർ നാടൻപാട്ട് സംഘം ഈ പരിപാടിയിലൂടെ ലക്ഷ്യമിടുന്നത്.
2023 ജൂൺ 2 ന് വൈകുന്നേരം 4 മണി മുതല്‍ ഓൾഡ് ഐഡിയൽ സ്കൂളിലെ ഡൈനാമിക് സ്പോർട്സ് സെന്‍ററില്‍ ആണ് പരിപാടി നടക്കുക.ഖത്തറിലെ വിവിധ ഇന്ത്യൻ സ്കൂളുകൾ , സാമൂഹിക സംഘടനകൾ തുടങ്ങിയവയെ പ്രധിനിധീകരിച്ചു വരുന്ന കുട്ടികള്‍ക്ക് പരിപാടിയില്‍ പങ്കെടുക്കാം.
കേരളത്തിന്‌ പുറത്ത് കേരള ഫോക്ക് ലോര്‍ അക്കാദമി അംഗീകാരം ഉള്ള ഏക നാടന്‍ പാട്ട് സംഘമായ കനല്‍ ഖത്തര്‍ കഴിഞ്ഞ 8 വർഷങ്ങളായി ഖത്തറിലെ സാമൂഹിക സാംസ്കാരിക മേഖലയിലെ വിവിധ വേദികളിൽ നാടൻപാട്ടുകളുടെ വൈവിധ്യങ്ങളായ അവതരണങ്ങളും പ്രവർത്തനങ്ങളും നടത്തിവരികയാണ്.പങ്കെടുക്കാന്‍ താല്പര്യം ഉള്ളവര്‍ https://forms.gle/8635JSmysihe9Me98 വഴി രജിസ്റ്റര്‍ ചെയ്യാം
അവസാന തീയതി : 24.05.2023.കൂടുതൽ വിവരങ്ങൾക്കും രജിസ്ട്രേഷനുമായി ബന്ധപ്പെടുക
+974 66741305, +974 55602804, +974 55953056
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
