July 08, 2023
July 08, 2023
ന്യൂസ്‌റൂം ബ്യുറോ
ദോഹ : ഖത്തറിൽ ഉപരിപഠനം നടത്തുന്ന പ്രവാസി വിദ്യാർത്ഥികൾക്ക് ജോലി ലഭിക്കുന്നതിന് ഖത്തർ മാൻപവർ സൊല്യൂഷൻസ് കമ്പനി (ജുസൂർ) അവസരമൊരുക്കുന്നു..സഹേം പ്രോഗ്രാമിന് കീഴിൽ, ഇത്തരം പ്രവാസി വിദ്യാർത്ഥികൾക്കായി ജുസൂർ രണ്ട് സേവനങ്ങളാണ് നൽകുന്നത്.
ഒന്ന്,പാർട്ട് ടൈം ജോലി അവസരങ്ങൾ സൃഷ്ടിക്കുക, രണ്ട് വിസ നീട്ടാനുള്ള അവസരം. ഈ സേവനങ്ങൾ ലഭിക്കാൻ താഴെപ്പറയുന്ന മാനദണ്ഡങ്ങൾ പാലിക്കണം: ഖത്തർ ആസ്ഥാനമായുള്ള ഒരു സർവ്വകലാശാലയിൽ നിന്നോ ഉന്നത വിദ്യാഭ്യാസ സ്ഥാപനത്തിൽ നിന്നോ അടുത്തിടെ ബിരുദം നേടിയ വിദ്യാർത്ഥി, യൂണിവേഴ്സിറ്റി/ഉന്നത വിദ്യാഭ്യാസ സ്ഥാപനങ്ങളുടെ സ്പോൺസർഷിപ്പ് ഉള്ള ഖത്തറിലെ നിയമപരമായ താമസക്കാരായ പ്രവാസി വിദ്യാർത്ഥി, ഇവർ 18 വയസ്സിന് മുകളിലും 28 വയസ്സിനു താഴെയും പ്രായമുള്ളവരായിരിക്കണം.
“ജൂസൂർ പ്ലാറ്റ്‌ഫോമിൽ വിദ്യാർത്ഥികൾക്ക് അടിസ്ഥാനപരമായി രണ്ട് സേവനങ്ങളാണ് വാഗ്ദാനം ചെയ്യുന്നത്.. വിദ്യാർത്ഥികൾക്ക് അവരുടെ പഠനകാലത്ത് പാർട്ട് ടൈം ജോലി നൽകുക എന്നതാണ് ആദ്യത്തെ സേവനം ”- ജുസൂർ ഓപ്പറേഷൻസ് ആൻഡ് ഇൻസ്റ്റിറ്റ്യൂഷണൽ സപ്പോർട്ട് എക്സിക്യൂട്ടീവ് ഡയറക്ടർ ഇബ്രാഹിം അബ്ദുല്ല അൽ മുല്ല പറഞ്ഞു.ഖത്തർ ടെലിവിഷന് നൽകിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയതെന്ന് 'ദി പെനിൻസുല' പത്രം റിപ്പോർട്ട് ചെയ്തു.
ബിരുദധാരികളുടെ റസിഡൻഷ്യൽ പെർമിറ്റ് നീട്ടുന്നതാണ് രണ്ടാമത്തെ സേവനം. അവർക്ക് അനുയോജ്യമായ ജോലി നേടാനും തൊഴിൽ വിപണിയിൽ ചേരാനും ഇതുവഴി കഴിയും, മേൽപറഞ്ഞ യോഗ്യതയുള്ള വിദ്യാർത്ഥികൾക്ക് ജോലി കണ്ടെത്തുന്നതിന് ജൂസൂർ പ്ലാറ്റ്‌ഫോമിലെ സേവനം ആക്‌സസ് ചെയ്യാൻ കഴിയും (www.jusour.qa/programs). കൂടാതെ കമ്പനികൾക്ക് ജോലി വാഗ്ദാനം ചെയ്യുന്നതിനുള്ള സംവിധാനവും ആക്‌സസ് ചെയ്യാൻ കഴിയും.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GjQM19221WxKnWo2cdbsZe
