October 06, 2022
October 06, 2022
അൻവർ പാലേരി
ദോഹ : ഇന്ത്യയിലെ ഏറ്റവും പുതിയ പ്രീമിയർ സ്പോർട്സ് നെറ്റ്വർക്കായ വയാകോം-18 സ്പോർട്സും ജിയോസിനിമയും ഖത്തറിലെ എല്ലാ ലോകകപ്പ് മത്സരങ്ങളും തത്സമയം സൗജന്യമായി ഇന്ത്യയിലെ പ്രേക്ഷകരിൽ എത്തിക്കും..ഇതനുസരിച്ച്,മത്സരങ്ങൾ തുടങ്ങി അവസാനിക്കുന്നത് വരെയുള്ള എല്ലാ കളികളും പ്രേക്ഷകർക്ക് സൗജന്യമായി കാണാനാവും.Sports18(1 SD & HD) ലായിരിക്കും ടെലിവിഷൻ സംപ്രേഷണം ഉണ്ടായിരിക്കുക.
എല്ലാ ടെലികോം സേവന ഉപയോക്താക്കൾക്കും ഐ.ഒ.എസ്(iOS),ആൻഡ്രോയിഡ്(Android)ഫോണുകളിൽ ഡൗൺലോഡ് ചെയ്ത് ലോകകപ്പ് കാണാനുള്ള ജിയോസിനിമ ആപ് ഉടൻ ലഭ്യമാകും.ഇതിലൂടെ മത്സരങ്ങളുടെ ലൈവ് സ്ട്രീം കാണാനാവും.
ഇന്ത്യയിൽ ആദ്യമായാണ് ഫിഫ ലോകകപ്പ്, സബ്സ്ക്രിപ്ഷൻ ഫീസ് ഈടാക്കാതെ ഇംഗ്ലീഷ്, ഹിന്ദി, തമിഴ്, മലയാളം, ബംഗാളി എന്നിവയുൾപ്പെടെ ഒന്നിലധികം ഭാഷാതലക്കെട്ടുകളോടെ പ്രേക്ഷകരിൽ എത്തുന്നത്.
ലോകകപ്പിന്റെ നിലവാരത്തിനനുസൃതമായി മികച്ച ദൃശ്യാനുഭവം നൽകാൻ ഡിജിറ്റൽ, ലീനിയർ പ്ലാറ്റ്ഫോമുകളിൽ (സ്പോർട്സ് 18-ൽ) മത്സരങ്ങൾ കാണാനാകുമെന്നും ആരാധകർക്കായി ഇന്ത്യയിലെ ഏറ്റവും പ്രിയപ്പെട്ട മാധ്യമ പ്ലാറ്റ്ഫോമുകളിലൊന്ന് കെട്ടിപ്പടുക്കാനാണ് ഇതിലൂടെ ശ്രമിക്കുന്നതെന്നും വിയാകോം-18 സി.ഇ.ഒ അനിൽ ജയരാജ് അറിയിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക