November 07, 2022
November 07, 2022
ന്യൂസ്‌റൂം ബ്യുറോ
ദോഹ : ഖത്തർ ലോകകപ്പിന് രണ്ടാഴ്ചയിൽ താഴെ മാത്രം ശേഷിക്കെ,ടീമുകൾ ഇന്ന് മുതൽ ദോഹയിൽ എത്തിത്തുടങ്ങും.ജപ്പാനായിരിക്കും ഇന്ന് അർധരാത്രിയോടെ ആദ്യം ഖത്തറിൽ എത്തുക.
ജപ്പാൻ ടീമിന്റെ ആദ്യ സംഘമാണ് ഇന്നെത്തുക. രണ്ടാം സംഘം പത്താം തീയതി ടീമിനൊപ്പം ചേരും. ദോഹയിലെ റാഡിസൺ ബ്ലൂ ഹോട്ടലിലാണ് ജപ്പാൻ ടീം താമസിക്കുക. അൽ സദ്ദ് സ്പോർട്സ് ക്ലബ്ബിന്റെ പുതിയ പരിശീലന സൗകര്യങ്ങളായിരിക്കും ടീം ഉപയോഗിക്കുക.
നവംബർ ഏഴിന് ആദ്യം എത്തുന്ന ടീം ജപ്പാൻ ആയിരിക്കുമെന്നും ലോകകപ്പ് മത്സരങ്ങളിൽ പങ്കെടുക്കുന്ന 32 ടീമുകൾക്കായി രാജ്യത്തുടനീളമുള്ള ബേസ് ക്യാമ്പുകളിൽ ഉയർന്ന നിലവാരമുള്ള സൗകര്യങ്ങളിലായിരിക്കും ജപ്പാൻ തങ്ങുകയെന്നും ഫിഫ പ്രതിനിധി കോളിൻ സ്മിത്ത് നേരത്തെ അറിയിച്ചിരുന്നു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
