February 16, 2023
February 16, 2023
അൻവർ പാലേരി
ദോഹ : ഖത്തറിലെ സംഗീതാസ്വാദകർക്ക് എന്നും വേറിട്ട അനുഭവം സമ്മാനിക്കുന്ന ഹൃദയരാഗങ്ങളുടെ ആറാം പതിപ്പ് മാർച്ച് 10 ന് ദോഹയിലെ റീജൻസി ഹാളിൽ നടക്കും .ചന്ദ്രകല ആർട്സും റേഡിയോ സുനോയും ചേർന്നൊരുക്കുന്ന സംഗീതവിരുന്നിൽ ഇത്തവണ ഭാസ്കരൻ മാസ്റ്റർ എഴുതിയ ഗാനങ്ങളാണ് ഉൾക്കൊള്ളിച്ചിരിക്കുന്നത് .
പാട്ടിൻറെ പാലാഴി എന്ന് പേരിട്ടിരിക്കുന്ന ഈ സീസണിൽ മധുബാലകൃഷ്ണൻ ,നിഷാദ് ,രവിശങ്കർ ,മനീഷ ,സുമി അരവിന്ദ് ,ചിത്ര അരുൺ എന്നിവർ ഗായകരായെത്തും .നിർമ്മാതാവും സിനിമാതാരവുമായ ചന്ദ്രമോഹൻ പിള്ള കോർഡിനേറ്ററാകുന്ന പരിപാടി സംവിധാനം ചെയ്യുന്നത് ജി.അശോക് കുമാറാണ് .
ഹൃദയരാഗങ്ങൾ സീസൺ 6 ൻറെ പോസ്റ്റർ ലോഞ്ച് ഒലിവ് സുനോ റേഡിയോ നെറ്റ്വർക്ക് ഓഫീസിൽ നടന്നു .ഒലിവ് സുനോ റേഡിയോ നെറ്റ്വർക്ക് വൈസ് ചെയർമാൻ സതീഷ് ജി പിള്ള ,കോ ഫൗണ്ടർ & മാനേജിങ് ഡയറക്ടർ അമീർ അലി എന്നിവർ ചടങ്ങിൽ സംബന്ധിച്ചു.ടിക്കറ്റുകൾ ക്യൂ ടിക്കറ്റ്സ്സി പ്ലാറ്റ്ഫോമിൽ നിന്നും വാങ്ങാൻ കഴിയും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക