January 27, 2023
January 27, 2023
ന്യൂസ്‌റൂം ബ്യുറോ
ദോഹ:രാജ്യത്ത് മഴയും ശൈത്യവും തുടരുന്ന സാഹചര്യത്തിൽ ഇൻഫ്ലുവൻസക്കെതിരായ വാക്സിൻ എടുക്കണമെന്ന് ഹമദ് മെഡിക്കൽ കോർപ്പറേഷൻ പൊതുജനങ്ങളെ ഓർമ്മിപ്പിച്ചു, പനിയും അതുമായി ബന്ധപ്പെട്ട ആരോഗ്യപ്രശ്നങ്ങളും കാരണം നൂറുകണക്കിന് പേരാണ് ചികിത്സ തേടിയെത്തുന്നത്.
പ്രാഥമികാരോഗ്യ കേന്ദ്രങ്ങൾ, എച്ച്എംസിയുടെ ഔട്ട്പേഷ്യന്റ് ക്ലിനിക്കുകൾ എന്നിവിടങ്ങളിൽ നിന്ന് സൗജന്യമായി കുത്തിവെപ്പെടുക്കാം.,രാജ്യത്തുടനീളമുള്ള 40-ലധികം സ്വകാര്യ, അർധ-സ്വകാര്യ ക്ലിനിക്കുകൾ, ആശുപത്രികൾ എന്നിവിടങ്ങളിലും ഇൻഫ്ലുവൻസ വാക്സിൻ ലഭ്യമാണ്.
ഈ വർഷത്തെ ഇൻഫ്ലുവൻസയെ നിസ്സാരമായി കാണരുതെന്നും , സൗജന്യ ഫ്ലൂ വാക്സിൻ എടുക്കേണ്ടത് മുമ്പത്തേക്കാൾ പ്രധാനമാണെന്നും മന്ത്രാലയം ഓർമിപ്പിച്ചു.ഫ്ലൂ വാക്സിനേഷൻ ഇൻഫ്ലുവൻസ രോഗങ്ങളെ ചെറുക്കുകയും ഡോക്ടർമാരെ സന്ദർശിക്കുന്നത് ഒഴിവാക്കുകയും ചെയ്യും.അസുഖത്തെ തുടർന്ന് ജോലിയും കുട്ടികൾക്ക് ക്ലാസ്സുകളും നഷ്ടപ്പെടുന്നത് ഒഴിവാക്കാൻ പ്രതിരോധ കുത്തിവെപ്പിലൂടെ കഴിയുമെന്നും മന്ത്രാലയം അറിയിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
