June 07, 2022
June 07, 2022
കൊൽക്കത്ത :ഖത്തർ എയർവെയ്സ് ബഹിഷ്കരിക്കാൻ ഹാഷ്ടാഗുമായി ട്വിറ്ററിൽ എത്തിയവർക്ക് പരിഹാസത്തോടെയുള്ള മറുപടിയുമായി നിരവധി പേർ രംഗത്ത്. ട്വിറ്ററില് ട്രെന്ഡിങായി മാറിയ 'ബോയ്കോട്ട് ഖത്തര് എയര്വെയ്സ്' പോസ്റ്റുകൾക്ക് താഴെ ഹാഷ്ടാഗിലെ തെറ്റ് ചൂണ്ടിക്കാട്ടിയാണ് പലരും മറുപടിയുമായി രംഗത്തെത്തിയത്.
ബി.ജെ.പി വക്താവ് നൂപുര ശര്മയുടെ പ്രസ്താവനയെ ഖത്തര് അപലപിച്ചതിന് പിന്നാലെയാണ് 'ബോയ്കോട്ട് ഖത്തര് എയര്വെയ്സ്' ട്വിറ്ററില് വ്യാപകമായി പ്രചരിച്ചത്. സംഘപരിവാര് അനുകൂലികളാണ് ഇതിന് പിന്നിലെന്നാണ് റിപ്പോര്ട്ട്. അതേസമയം, ഇതിലും ചിലര്ക്ക് തെറ്റുകള് പറ്റിയതാണ് പരിഹാസത്തിന് ഇടയാക്കിയത്. Boycott എന്നതിന് ' Bycott' എന്നാണ് പ്രതിഷേധക്കാര് എഴുതിയിരിക്കുന്നത്.I'm against Qatar Airways. #BycottQatarAirways pic.twitter.com/WoKISogFtl
— Vashudev (@thevashudevIND) June 6, 2022
സ്പെല്ലിംഗ് മിസ്റ്റേക്ക് ഉള്ള ഹാഷ്ടാഗുമായി രംഗത്തെത്തിയവരാണ് പ്രതിഷേധിക്കാന് നടക്കുന്നതെന്ന പരിഹാസമാണ് മറ്റുള്ളവര് ഉയര്ത്തുന്നത്. 'ബോയ്കോട്ടി'ന്റെ സ്പെല്ലിങ് പോലും എഴുതാന് അറിയാത്തവരാണ് ബഹിഷ്കരിക്കാന് നടക്കുന്നതെന്ന റീട്വീറ്റുകളും നിറയുന്നുണ്ട്.
ഖത്തറില് നടക്കുന്ന ഫിഫ ലോകകപ്പ് ബഹിഷ്ക്കരിക്കാൻ ഇന്ത്യയിലെ ഹിന്ദു വലതുപക്ഷ പ്രവണത! ഈ മതഭ്രാന്തന്മാന്മാര് ഫുട്ബോള് ബഹിഷ്കരിക്കുന്നതിനെക്കുറിച്ച് ചിന്തിക്കുന്നതിനുമുമ്പ്, ഫുട്ബോള് എങ്ങനെ കളിക്കണമെന്ന് പഠിക്കേണ്ടതുണ്ട്' എന്നാണ് മറ്റൊരു പരിഹാസ ട്വീറ്റ്.
ഖത്തറിന്റെ നിലപാടിനെതിരെ പരസ്യ പ്രതികരണവുമായി നിരവധി സംഘപരിവാര് അനുകൂലികളും രംഗത്തെത്തിയിട്ടുണ്ട്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക