November 09, 2022
November 09, 2022
ന്യൂസ്റൂം ബ്യുറോ
ദോഹ : ലോകകപ്പ് പ്രമാണിച്ച് ലോകകപ്പ് ടിക്കറ്റില്ലാത്തവർക്കും ഹയ്യാ പ്ലാറ്റ്ഫോം വഴി രജിസ്റ്റർ ചെയ്ത് ഖത്തറിലേക്ക് വരാമെന്നിരിക്കെ ഇക്കാര്യത്തിൽ കൂടുതൽ വ്യക്തത വരുത്തി ഖത്തർ എയർവെയ്സ്.ഇതനുസരിച്ച്,അംഗീകൃത ഹയ്യാ കാർഡ് ഉള്ളവർക്ക് 23 ഡിസംബർ 2022 വരെ രാജ്യത്ത് പ്രവേശിക്കാം.മത്സര ടിക്കറ്റില്ലാത്തവര്ക്ക് ഡിസംബര് 2 വരെ മാത്രമാണ് ഹയ്യ രജിസ്ട്രേഷൻ വഴി പ്രവേശനം അനുവദിക്കുക.
അതേസമയം,ഗ്രൂപ്പ് ഘട്ട മത്സരങ്ങൾ പൂർത്തിയാകുന്ന ഡിസംബർ 2ന് ശേഷം ഹയ്യ കാർഡ് ഉള്ളവർക്ക് മാത്രമെ രാജ്യത്തേക്ക് പ്രവേശനം അനുവദിക്കൂ എന്നും ഖത്തർ എയർവെയ്സ് ഔദ്യോഗിക ട്വിറ്റർ അക്കൗണ്ടിൽ അറിയിച്ചു.അതായത് ഇവർക്ക് ലോകകപ്പ് ടിക്കറ്റും ഹയ്യ കാർഡും ഉണ്ടായിരിക്കണം.
ടിക്കറ്റില്ലാതെ ഹയ്യ രജിസ്ട്രേഷനിൽ വരുന്നവർക്കും ലോകകപ്പ് ടിക്കറ്റുള്ള ഹയ്യ കാർഡ് ഉടമകൾക്കും ജനുവരി 23 വരെ രാജ്യത്ത് തങ്ങാവുന്നതാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക