September 08, 2022
September 08, 2022
ദോഹ: ലോക കപ്പ് ടിക്കറ്റ് ലഭിച്ചതിന് ശേഷം ഹയ്യ കാർഡ് രജിസ്‌ട്രേഷൻ പൂർത്തിയാക്കിയവർക്ക് ലോകകപ്പ് ടിക്കറ്റില്ലാത്ത മൂന്നുപേരെ ഖത്തറിലേക്ക് കൊണ്ടുവരാൻ അവസരം. മൂന്ന് സുഹൃത്തുക്കളെയോ ബന്ധുക്കളെയോ കൊണ്ടുവരാനാണ് അനുമതിയുള്ളതെന്ന് സുപ്രീം കമ്മിറ്റി അറിയിച്ചു.
രാജ്യത്തെത്തി ലോക കപ്പിന്റെ അപൂർവ നിമിഷങ്ങൾ പങ്കുവെക്കാൻ അവർക്ക് ഇതുവഴി സാധിക്കുമെന്നും അടുത്തയാഴ്ച മുതൽ ഇത് പ്രാബല്യത്തിൽ വരുമെന്നും സുപ്രീം കമ്മിറ്റി ഡയറക്ടർ ജനറൽ എഞ്ചിനീയർ യാസിർ അൽ ജമാൽ പറഞ്ഞു.
"ടൂർണമെന്റിന്റെ ഗ്രൂപ്പ് സ്റ്റേജ് മത്സരങ്ങൾ നടക്കുമ്പോൾ (നവംബർ 20 മുതൽ ഡിസംബർ 6 വരെ) ഈ 1+3 പോളിസി നടപ്പിലാക്കും. ഹയ്യ കാർഡുള്ളവർക്ക് മൂന്ന് പേരെ അവരുടെ ഹയ്യ പാസ്സുമായി ലിങ്ക് ചെയ്യാം. ഇതുപയോഗിച്ചു അവർക്ക് ഖത്തറിൽ പ്രവേശിക്കാം," എഞ്ചിനീയർ യാസിർ അൽ ജമാൽ പറഞ്ഞു.
ഇതിന് ഫീസ് ഈടാക്കുമെന്നും എന്നാൽ 12 വയസ്സിന് താഴെയുള്ള കുട്ടികൾക്ക് ഫീസ് ഉണ്ടായിരിക്കില്ലെന്നും അദ്ദേഹം വ്യക്തമാക്കി. ടൂർണമെന്റ് ഒരു കുടുംബ സംഗമമാക്കാൻ കൂടിയാണ് ഇതിലൂടെ ലക്ഷ്യമാക്കുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/HrLcaJxM8ioJZfNN9bsdpq എന്ന ലിങ്കിൽ ജോയിൻ ചെയ്യുക
