May 08, 2023
May 08, 2023
ന്യൂസ്റൂം ബ്യൂറോ
ദോഹ: 2023 ഒന്നാം പാദത്തില് ഹമദ് അന്താരാഷ്ട്ര വിമാനത്താവളത്തിലെ യാത്രക്കാരുടെ എണ്ണത്തില് 44.5 ശതമാനത്തിന്റെ വര്ധനയും വിമാന സര്വീസുകളില് 18.65 ശതമാനത്തിന് വളര്ച്ചയും രേഖപ്പെടുത്തിയെന്ന് അധികൃതര് അറിയിച്ചു. ഹമദ് അന്താരാഷ്ട്ര വിമാനത്താവളം വഴി 10,315,695 യാത്രികര് സഞ്ചരിച്ചെന്ന് അധികൃതര് വ്യക്തമാക്കി.
യാത്രക്കാരുടെ എണ്ണത്തിലുണ്ടായ വര്ധന, യാത്രാനുഭവം മെച്ചപ്പെടുത്താനുള്ള ശ്രമങ്ങളുടെ ഭാഗമാണെന്ന് അധികൃതര് പറഞ്ഞു. വ്യോമയാന മേഖലയില് തങ്ങളുടെ മത്സരാധിഷ്ഠിത സ്ഥാനം ശക്തിപ്പെടുത്തും. അതിന്റെ ഭാഗമായി ഉപയോക്താക്കള്ക്ക് കൂടുതല് മെച്ചപ്പെട്ട സൗകര്യങ്ങളൊരുക്കുമെന്നും അധികൃതര് പറഞ്ഞു.
ലണ്ടന്, ബാങ്കോക്ക്, ധാക്ക, മനില, ജിദ്ദ എന്നിവയാണ് ഹമദ് അന്താരാഷ്ട്രത്താവളത്തില് നിന്നുള്ള ഏറ്റവും തിരക്കേറിയ ലക്ഷ്യസ്ഥാനങ്ങള്. നിലവില് ഹമദ് അന്താരാഷ്ട്ര വിമാനത്താവളത്തിന് 40 ലധികം എയര്ലൈന് പങ്കാളികളുണ്ട്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL