April 19, 2023
April 19, 2023
ന്യൂസ്‌റൂം ബ്യൂറോ
ദോഹ: ചെറിയ പെരുന്നാളിനോടനുബന്ധിച്ച് വിമാന യാത്രികരുടെ എണ്ണത്തില്‍ വലിയ വര്‍ദ്ധനവുണ്ടാകുമെന്ന് ഹമദ് അന്താരാഷ്ട്ര വിമാനത്താവളം അധികൃതര്‍ വ്യക്തമാക്കി. മെയ് 1 വരെയുള്ള ഈദുല്‍ ഫിത്വര്‍ അവധിക്കാലത്ത് 60 മിനിറ്റ് വരെയായിരിക്കും വിമാനത്താവളത്തില്‍ സൗജന്യ പാര്‍ക്കിംഗ് അനുവദിക്കുക. തുടര്‍ന്നുവരുന്ന സമയത്തിന് സ്റ്റാന്‍ഡേര്‍ഡ് പാര്‍ക്കിംഗ് നിരക്ക് നല്‍കേണ്ടിവരും. ഈദുല്‍ ഫിത്വര്‍ അവധിക്കാലത്ത് വിമാനത്താവളത്തിലെത്തുന്നവര്‍ ഹ്രസ്വകാല പാര്‍ക്കിംഗ് സൗകര്യം പരിഗണിക്കണം. യാത്രക്കാര്‍ക്ക് ടാക്‌സി, ബസ്, മെട്രോ എന്നിങ്ങനെയുള്ള പൊതുഗതാഗത സംവിധാനങ്ങള്‍ ഉപയോഗിച്ച് യാത്ര സുഗമമമാക്കാമെന്നും അധികൃതര്‍ വ്യക്തമാക്കി.
ഈദുല്‍ ഫിത്വര്‍ അവധിയോടനുബന്ധിച്ച് വിമാനയാത്രികര്‍ക്ക് 4 മണിക്കൂര്‍ മുന്നേ ചെക്ക്-ഇന്‍ ചെയ്യാനുള്ള സൗകര്യമരുക്കും. 18 വയസ്സിന് മുകളില്‍ പ്രായമുള്ള യാത്രികര്‍ക്ക് ഈ ഗേറ്റ് സംവിധാനം ഉപയോഗിക്കാം. വിമാനം പുറപ്പെടുന്നതിന് 60 മിനിറ്റ് മുന്‍പ് ചെക്ക് ഇന്‍ സംവിധാനം അവസാനിക്കും. പുറപ്പെടുന്നതിന് 20 മിനിറ്റ് മുന്‍പ് ബോര്‍ഡിംഗ് ഗേറ്റുകള്‍ അടക്കുമെന്നും അധികൃതര്‍ അറിയിച്ചു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
