July 01, 2023
July 01, 2023
ന്യൂസ്‌റൂം ബ്യുറോ
ദോഹ :ഖത്തറിൽ വിവിധ പ്രദേശങ്ങളിൽ മയക്കുമരുന്ന് ഇടപാടുകൾ നടത്തുകയും പ്രചരിപ്പിക്കുകയും ചെയ്ത നാലംഗ സംഘത്തെ ഡ്രഗ് എൻഫോഴ്‌സ്‌മെന്റ് ജനറൽ ഡയറക്ടറേറ്റ് പിടികൂടിയതായി ആഭ്യന്തര മന്ത്രാലയം അറിയിച്ചു.
പബ്ലിക് പ്രോസിക്യൂഷന്റെ അനുമതി ലഭിച്ചതിനെ തുടർന്ന് ഇവരുടെ വസതിയിൽ നടത്തിയ പരിശോധനയിലാണ് വിവിധ തരം മയക്കുമരുന്നുകൾ അടങ്ങിയ ബാഗുകളും പാക്കറ്റുകളും ക്യാപ്‌സ്യൂളുകളും കണ്ടെത്തിയത്.421 ഗ്രാം ഷാബു, 370 ഗ്രാം ഹാഷിഷ്, 800 ഗ്രാം ഹെറോയിൻ എന്നിവയാണ് പിടിച്ചെടുത്തത്.. മയക്കുമരുന്ന് തൂക്കാൻ ഉപയോഗിക്കുന്ന രണ്ട് ഇലക്ട്രോണിക് തുലാസുകളും പരിശോധനയിൽ കണ്ടെത്തി.
ആവശ്യമായ തുടർ നിയമനടപടികൾക്കായി പ്രതികളെയും പിടിച്ചെടുത്ത തൊണ്ടിമുതലും പബ്ലിക് പ്രോസിക്യൂഷനു കൈമാറിയതായി ആഭ്യന്തര മന്ത്രാലയം അറിയിച്ചു..
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/GjQM19221WxKnWo2cdbsZe
