November 10, 2022
November 10, 2022
ന്യൂസ്‌റൂം ബ്യുറോ
ദോഹ : വൃത്തിഹീനമായ സാഹചര്യങ്ങളിൽ ഭക്ഷണം തയ്യാറാക്കി വിതരണം ചെയ്യുന്നതായി കണ്ടെത്തിയ റെസ്റ്റോറന്റുകളും ബേക്കറികളും അടുക്കളകളും ഖത്തറിലെ വിവിധ മുനിസിപ്പാലിറ്റി ഉദ്യോഗസ്ഥർ എത്തി അടച്ചുപൂട്ടി. ദോഹയിലെയും ഉമ്മുസലാലിലെയും മുനിസിപ്പാലിറ്റികളിലാണ് നിയമലംഘനങ്ങൾ കണ്ടെത്തിയത്.നാല് റസ്റ്റോറന്റുകളും ബേക്കറികളും ജനപ്രിയ അടുക്കളകളുമാണ് കഴിഞ്ഞ രണ്ടു ദിവസങ്ങൾക്കിടെ ഇത്തരത്തിൽ അടച്ചുപൂട്ടിയത്.
ഉപഭോഗത്തിന് യോഗ്യമല്ലാത്ത ഭക്ഷണം വിതരണം ചെയ്തതിന് ഉംസലാൽ കാർത്തിയാത്ത് പ്രദേശത്ത് പ്രവർത്തിക്കുന്ന അൽ സഗ്വ പബ്ലിക് കിച്ചൻ നവംബർ 6 മുതൽ 45 ദിവസത്തേക്ക് അടച്ചിടാനാണ് ഉത്തരവ്.ഉംസലാലിൽ ഖർത്തിയാത്തിലുള്ള ഷവർമ അൽ ഖൈമ റെസ്റ്റോറന്റ് നവംബർ 6 മുതൽ ഏഴ് ദിവസത്തേക്ക് പൂർണ്ണമായും അടച്ചു.
അനാരോഗ്യകരമായ സാഹചര്യത്തിൽ ഭക്ഷണം തയ്യാറാക്കുന്നതായി കണ്ടെത്തിയ ദോഹ പഴയ വിമാനത്താവളത്തിന് സമീപം പ്രവർത്തിക്കുന്ന അപ്പർ നൈൽ കൊമേഴ്‌സ്യൽ ബേക്കറി നവംബർ 7 മുതൽ 20 ദിവസത്തേക്ക് അടച്ചിടും.ഇതേ നിയമലംഘനം കണ്ടെത്തിയ പഴയ വിമാനത്താവളത്തിനടുത്തുള്ള മിസ്റ്റർ പ്രോസ്റ്റ് ബാർബിക്യൂ റസ്റ്റോറന്റ് നവംബർ 7 മുതൽ മൂന്ന് ദിവസത്തേക്ക് അടച്ചുപൂട്ടാനും അധികൃതർ നിർദേശിച്ചു.
തിരക്കേറിയ ദിവസങ്ങളിൽ സ്ഥാപനങ്ങൾ അടച്ചിടുന്നതോടൊപ്പം നിയമപ്രകാരമുള്ള പിഴയും ഇവർ അടക്കേണ്ടതായി വരും.ലോകകപ്പിന് ദിവസങ്ങൾ മാത്രം അവശേഷിക്കെ രാജ്യത്തെ ഭക്ഷ്യ നിയമലംഘനങ്ങൾ കണ്ടെത്താൻ അധികൃതർ പരിശോധനകൾ ഊർജിതമാക്കിയിട്ടുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
