February 20, 2023
February 20, 2023
ന്യൂസ്റൂം ബ്യുറോ
ദോഹ: പുതിയ ഗതാഗത നിയമലംഘനങ്ങളെ കുറിച്ച് വിശദീകരിച്ചുകൊണ്ട് ഖത്തര് ട്രാഫിക് ഡിപ്പാര്ട്ട്മെന്റിന്റെതാണെന്ന് അവകാശപ്പെടുന്ന ചിത്രം വ്യാജമാണെന്ന് ജനറല് ഡയറക്ടറേറ്റ് ഓഫ് ട്രാഫിക് മുന്നറിയിപ്പ് നൽകി.
11 വയസ്സിന് താഴെയുള്ള കുട്ടികള് മുന്സീറ്റില് ഇരിക്കുക, വാഹനമോടിക്കുമ്പോള് മൊബൈലില് സംസാരിക്കുക, കാറുകളില് ഉച്ചത്തിലുള്ള പാട്ട് കേള്ക്കുക, വണ്വേയിലൂടെയുള്ള ഡ്രൈവിംഗ്, കാറിനുള്ളില് പുകവലി എന്നിങ്ങനെയുള്ള നിയമലംഘനങ്ങൾക്കുള്ള പുതുക്കിയ പിഴകൾ എന്ന തരത്തിലാണ് തെറ്റായ വിവരങ്ങൾ പ്രചരിപ്പിക്കുന്നത്. ‘ഖത്തര് പൊലീസില് നിന്നുള്ള പുതിയ പിഴ’ എന്ന പേരിലുള്ള ഈ വിവരങ്ങൾ വ്യാജമായി ഉണ്ടാക്കിയതാണെന്ന് ഗതാഗത മന്ത്രാലയം ഔദ്യോഗിക ട്വിറ്റര് അക്കൗണ്ടിൽ വ്യക്തമാക്കി.
ആധികാരികത പരിശോധിക്കാതെ വാര്ത്തകള് പ്രചരിപ്പിക്കുന്നതിനെതിരെ ആവര്ത്തിച്ച് മുന്നറിയിപ്പ് നല്കിയ മന്ത്രാലയം, ഔദ്യോഗിക സ്രോതസ്സുകളില് നിന്നുള്ള വിവരങ്ങൾ മാത്രം പിൻതുടരാൻ ജനങ്ങളോട് അഭ്യർത്ഥിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/LiM4EdDAtkTAmYRCb0LMz9 എന്ന ലിങ്കിൽ ജോയിൻ ചെയ്യുക