November 05, 2022
November 05, 2022
അൻവർ പാലേരി
ദോഹ : ലോകകപ്പിന് വിസിൽ മുഴങ്ങാൻ ഏതാനും ദിവസങ്ങൾ മാത്രം ശേഷിക്കെ,ഖത്തർ വിപണിയിലും ആരാധകരെ സ്വീകരിക്കാൻ തകൃതിയായ ഒരുക്കങ്ങളാണ് നടക്കുന്നത്.കടകളിലും മാളുകളിലും ഫുട്ബോൾ ആവേശം നിറക്കുന്ന നിരവധി ഉൽപന്നങ്ങൾ മാസങ്ങൾക്ക് മുമ്പ് തന്നെ ലഭ്യമാക്കിയിരുന്നു.ഇതിനു പുറമെ,സന്ദർശകരുടെ ശ്രദ്ധ ആകർഷിക്കുന്ന തരത്തിലുള്ള വിവിധ ഡിസൈനുകൾ കൊണ്ട് പുറം ചുവരുകൾ അലങ്കരിച്ച് ലോകകപ്പ് ആവേശത്തിൽ പങ്കാളികളാവുകയാണ് ദോഹയിലെ ചില പ്രമുഖ സ്ഥാപനങ്ങൾ.
ഹയാത്ത് പ്ലാസ സമുച്ചയത്തിന്റെ കെട്ടിടത്തിൽ 'വിള്ളലുണ്ടാക്കി' ഉയർന്നുനിൽക്കുന്ന കാൽപന്ത് കണ്ട് വഴിയേ പോകുന്നവർ ആദ്യമൊന്ന് അമ്പരക്കുമെങ്കിലും പിന്നെ കാര്യം അനസ്സിലാവും.വിചിത്രവും സർഗ്ഗാത്മകവും മനോഹരവുമായ ഡിസൈൻ കൊണ്ടാണ് ഹയാത്ത് പ്ലാസ സന്ദർശകരെ ആകർഷിക്കുന്നത്.
ഇതിന്റെ നിരവധി ഫോട്ടോകളും വീഡിയോ ദൃശ്യങ്ങളും സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക