Breaking News
സൗദിയിലെ അബ്ഷിർ പ്ലാറ്റ്ഫോമിൽ അപ്ഡേഷൻ; സേവനങ്ങൾ താത്കാലികമായി തടസപ്പെടും | പ്ലസ് ടു, വിഎച്ച്എസ്‍ഇ പരീക്ഷാഫലം പ്രഖ്യാപിച്ചു; 78.69% വിജയം | അഭിമാന നേട്ടവുമായി മലയാളി വിദ്യാർത്ഥി, ഖത്തർ അമീർ ശൈഖ് തമീം ബിൻ ഹമദ് അൽതാനിയിൽ നിന്നും സ്വർണ്ണ മെഡൽ  സ്വീകരിക്കാൻ കഴിഞ്ഞ സന്തോഷത്തിൽ കുടുംബം  | ഖത്തറിൽ പി.ആർ.ഒ തസ്തികയിലേക്ക് ജോലി ഒഴിവ്; മലയാളികൾക്ക് അപേക്ഷിക്കാം  | രണ്ടത്താണി സ്വദേശിനി അജ്മാനിൽ നിര്യാതയായി | അബുദാബിയില്‍ ബിഗ് ടിക്കറ്റ് റാഫിള്‍ നറുക്കെടുപ്പ് പുനരാരംഭിച്ചു | ഷെയ്ഖ് ഹസ്സ ബിന്‍ സുല്‍ത്താന്‍ ബിന്‍ സായിദ് അല്‍ നഹ്യാന്‍ അന്തരിച്ചു | ഖത്തറിലെ മലപ്പുറം ജില്ലക്കാരുടെ പൊതുകൂട്ടായ്മയായ മെജസ്റ്റിക് മലപ്പുറം മെഗാ ലോഞ്ചിങ്,സംഘാടക സമിതി രൂപീകരിച്ചു  | 'കളറിംഗ് ദി കൾചർ' : നീത ജോളിയുടെ ചിത്രപ്രദർശനം ഇന്ന് ഖത്തർ ഐസിസി അശോകാ ഹാളിൽ  | ദോഹ അന്താരാഷ്ട്ര പുസ്തകമേള ആരംഭിച്ചു  |
ഒമാൻ ഒഴികെയുള്ള ഗൾഫ് രാജ്യങ്ങളിൽ ഇന്ന് ചെറിയ പെരുന്നാൾ,ലുസൈൽ ബൊളിവാർഡിൽ പെരുന്നാൾ നമസ്‌കാരത്തിന് ഖത്തർ അമീറും

April 21, 2023

April 21, 2023

അൻവർ പാലേരി
ദോഹ :  റമദാൻ 29 പൂർത്തിയാക്കി ഒമാൻ ഒഴികെയുള്ള ഗൾഫ് രാജ്യങ്ങളിൽ ഇന്ന് ചെറിയ പെരുന്നാൾ ആഘോഷിക്കുന്നു. ഒമാനിൽ കേരളത്തിനൊപ്പം നാളെയാണ് പെരുന്നാൾ. സൗദിയിൽ ഇന്നലെ മാസപ്പിറവി ദൃശ്യമായതിനെ തുടർന്നാണ്‌ അഞ്ച് ഗൾഫ് രാജ്യങ്ങളിൽ ഇന്ന് പെരുന്നാൾ ആഘോഷിക്കുന്നത്.

അതിരാവിലെ തന്നെ വിശ്വാസികൾ പെരുന്നാൾ നമസ്‌കാരത്തിനായി ഈദ് ഗാഹുകളിലേക്കും പള്ളികളിലേക്കും എത്തിയിരുന്നു.രാവിലെ 5.21  നായിരുന്നു ഖത്തറിൽ പെരുന്നാൾ നമസ്കാരം.പതിവിൽ നിന്ന് വ്യത്യസ്തമായി ഖത്തർ അമീർ ശൈഖ് തമീം ബിൻ ഹമദ് അൽതാനി ഇത്തവണ ലുസൈൽ ബൊളിവാർഡിൽ പൊതുജനങ്ങൾക്കൊപ്പമാണ് പെരുന്നാൾ നമസ്കാരത്തിൽ പങ്കെടുത്തത്.സാധാരണയായി വജ്‌ബ പ്രാർത്ഥനാ മൈതാനിയിലാണ് അമീർ പെരുന്നാൾ നമസ്കാരത്തിൽ പങ്കെടുക്കാറുള്ളത്.

ലോകകപ്പ് വേദിയായിരുന്ന എജ്യുക്കേഷൻ സിറ്റി സ്റ്റേഡിയം ഈദ് നമസ്കാരത്തിന് വേദിയായതും ഇത്തവണത്തെ മറ്റൊരു സവിശേഷതയാണ്.

യു.എ.ഇ യിൽ ഏഴ് മണിയോടെ തന്നെ ഈദ് ഗാഹുകൾ സജീവമായിരുന്നു. രണ്ട് ഈദ് ഗാഹുകളാണ് യു.എ.ഇയിൽ മലയാളികൾക്കായി ഒരുക്കിയിരുന്നത്. ഷാർജയിൽ ഹുസൈൻ സലഫിയും ദുബായിൽ  അബ്ദുസ്സലാം മൗലവി മോങ്ങവും നമസ്‌കാരത്തിന് നേതൃത്വം നൽകി.

സൗദിയിൽ മക്ക 6 : 12, മദീന 6:09, റിയാദ് 5:41, ബുറൈദ 5:50, ദമാം 5:25, അബഹ 6:04, തബൂക്ക് 6:17, ഹായില്‍ 5:58, അറാര്‍ 5:57, ജിസാന്‍ 6:05, നജ്‌റാന്‍ 5:58, അല്‍ബാഹ 6:06, സകാക്ക 6:01 എന്നിങ്ങനെയായിരുന്നു പെരുന്നാൾ നമസ്കാരത്തിന്റെ സമയം.പള്ളികളിലും  ഈദുഗാഹുകലുമായാണ് പെരുന്നാൾ നമസ്കാരത്തിന് സൗകര്യമൊരുക്കിയിരുന്നത്.അതേസമയം മഴയ്ക്ക് സാധ്യതയുള്ള പ്രദേശങ്ങളിൽ ഈദ് ഗാഹുകൾ നിരോധിച്ചിരുന്നു.

വിവിധ ഗൾഫ് രാജ്യങ്ങളിലെ ഭരണാധികാരികൾ ജനങ്ങൾക്കും വിശ്വാസി സമൂഹത്തിനും ഈദാശംസകൾ നേർന്നു.

ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI


Latest Related News