October 31, 2022
October 31, 2022
ന്യൂസ്‌ റൂം ബ്യുറോ
ദോഹ : തിങ്കളാഴ്ച രാവിലെ 11.30 മുതൽ ഇഹ്തിറാസ് ആപ് പണിമുടക്കിയതിനെ തുടർന്ന് ഖത്തറിലെ ആരോഗ്യ കേന്ദ്രങ്ങളിലും ആപ് നിർബന്ധമുള്ള മറ്റിടങ്ങളിലും ഏറെ നേരം ആശയക്കുഴപ്പമുണ്ടായി..തങ്ങളുടെ മൊബൈൽ ഫോണിന്റെ കുഴപ്പമാണെന്ന് ധരിച്ച പലരും മൊബൈൽ ഫോണിന്റെ സാങ്കേതിക വിദ്യ അറിയുന്നവരെയും ഐടി മേഖലയിൽ പ്രവർത്തിക്കുന്നവരെയും ബന്ധപ്പെട്ടെങ്കിലും കൃത്യമായ മറുപടി ലഭിച്ചില്ല.
സാങ്കേതിക തകരാറാണ് കാരണമെന്നാണ് ഔദ്യോഗിക വിശദീകരണം.ആപ്പിന്റെ പ്രവർത്തനം ഉടൻ സാധാരണ നിലയിലാവുമെന്നും അധികൃതർ വ്യക്തമാക്കി.നവംബർ ഒന്ന് മുതൽ രാജ്യത്തെ ആരോഗ്യ കേന്ദ്രങ്ങളിൽ മാത്രമാണ് ഇഹ്തിറാസ് ആപ് നിർബന്ധമുള്ളത്.ഇതിനിടെയാണ് ഇന്ന് ആപ്പ് പണിമുടക്കിയത്.അതേസമയം,ഇപ്പോൾ പ്രവർത്തനം സാധാരണനിലയിലായിട്ടുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
