July 27, 2023
July 27, 2023
ന്യൂസ്‌റൂം ബ്യുറോ
ദോഹ : ദോഹയിൽ നിന്നും നാഗ്പൂരിലേക്ക് യാത്ര തിരിച്ച ഖത്തർ എയർവെയ്‌സ് വിമാനം മോശം കാലാവസ്ഥയെ തുടർന്ന് ഹൈദരാബാദിലേക്ക് വഴി തിരിച്ചുവിട്ടു.കനത്ത മഴയെ തുടർന്ന് ദൃശ്യപരത കുറഞ്ഞതിനാലാണ് വിമാനം ഇന്ന് പുലർച്ചെ ഹൈദരാബാദ് രാജീവ് ഗാന്ധി അന്താരാഷ്ട്ര വിമാനത്താവളത്തിൽ (ആർജിഐഎ) അടിയന്തിര ലാൻഡിങ് നടത്തിയത്.
99 യാത്രക്കാരുമായി പുറപ്പെട്ട QR590 ദോഹ-നാഗ്പൂർ വിമാനം പുലർച്ചെ 3.29 ന് സുരക്ഷിതമായി ഹൈദരാബാദിൽ ലാൻഡ് ചെയ്തതായി RGIA വൃത്തങ്ങൾ അറിയിച്ചു.പുലർച്ചെ 2.50ന് വിമാനം നാഗ്പൂരിൽ ഇറങ്ങേതായിരുന്നു.
യാത്രക്കാർക്ക് ഹോട്ടലിൽ താമസ സൗകര്യം എയർലൈൻ ഒരുക്കിയതായും വിമാനം നാഗ്പൂരിലേക്കു പുറപ്പെടാനുള്ള ക്രമീകരണങ്ങൾ നടത്തിവരികയാണെന്നും ഖത്തർ എയർവെയ്‌സ് അറിയിച്ചു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
