March 31, 2023
March 31, 2023
ന്യൂസ്റൂം ബ്യൂറോ
ദോഹ: ഖത്തര് സാംസ്കാരിക മന്ത്രാലയം സംഘടിപ്പിക്കുന്ന റമദാന് പുസ്തകമേളയുടെ രണ്ടാം പതിപ്പ് സാംസ്കാരിക മന്ത്രി ഷെയ്ഖ് അബ്ദുള്റഹ്മാന് ബിന് ഹമദ് അല്താനി ഉദ്ഘാടനം ചെയ്തു. സഹമന്ത്രിയും ഖത്തര് നാഷണല് ലൈബ്രറി പ്രസിഡന്റുമായ ഡോ. ഹമദ് ബിന് അബ്ദുല് അസീസ് അല് കുവാരി, മുന് വിദ്യാഭ്യാസ മന്ത്രി അബ്ദുല് അസീസ് ബിന് അബ്ദുള്ള ബിന് തുര്ക്കി അല് സുബൈ, ഖത്തര് യൂണിവേഴ്സിറ്റി പ്രസിഡന്റ് ഡോ. ഹസന് ബിന് റാഷിദ് അല് ദര്ഹാം എന്നിവര് ചടങ്ങില് സന്നിഹിതരായി.
ഖത്തറില് നിന്ന് 31 പ്രസാധകരും വിദേശത്തുനിന്നുള്ള 48 പ്രസാധകരും പങ്കെടുക്കുന്ന പുസ്തകമേള ഉം സലാലിലെ ദര്ബ് അല്-സായി ആസ്ഥാനത്ത് ഏപ്രില് 5 വരെ തുടരും. പുസ്തകമേളയിലെത്തുന്നവര്ക്ക് സംസ്കാരത്തിന്റെയും പാരമ്പര്യത്തിന്റെയും സമ്പന്നമായ സംയോജനം കാണാനാകുമെന്ന് സാംസ്കാരിക മന്ത്രി പറഞ്ഞു.
എന്ഡോവ്മെന്റ് മന്ത്രാലയത്തിന്റെയും (ഔഖാഫ്) മതകാര്യ മന്ത്രാലയത്തിന്റെയും നേതൃത്വത്തില് ദിവസേന സാംസ്കാരിക, മത സെമിനാറുകള് നടക്കുമെന്ന് റമദാന് ബുക്ക് ഫെയര് ഡയറക്ടര് ജാസിം അല് ബുവൈനൈര് പറഞ്ഞു. കുട്ടികള്ക്കായി കലാ സാംസ്കാരി ശില്പശാലകള് ഒരുക്കിയിട്ടുണ്ടെന്നും അദ്ദേഹം കൂട്ടിച്ചേര്ത്തു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI