July 22, 2021
July 22, 2021
ദോഹ: ഖത്തറില്‍ കോവിഡ് നിയന്ത്രണവിധേയമായി വരുന്നതായി റിപ്പോര്‍ട്ട്. ആശുപത്രികളിലെ കോവിഡ് -19 രോഗികളുടെ എണ്ണത്തില്‍ വലിയ തോതില്‍ കുറവുണ്ടായതായാണ് കണക്കുകൾ സൂചിപ്പിക്കുന്നത്.രാജ്യത്തൊട്ടാകെയുള്ള ആശുപത്രികളില്‍ നിലവിൽ 100 ല്‍ താഴെ കോവിഡ് -19 രോഗികൾ മാത്രമാണ് ചികിത്സയിലുള്ളത്. ആരോഗ്യ മന്ത്രാലയം നൽകുന്ന കണക്കുകള്‍ പ്രകാരം ഐസിയു വാര്‍ഡുകളിലെ ആകെ രോഗികളുടെ എണ്ണം 31 ആണ്.. ബുധനാഴ്ചത്തെ സ്ഥിതിവിവരക്കണക്കുകള്‍ പ്രകാരം ഒരു മരണം രേഖപ്പെടുത്തിയിട്ടുണ്ട്. ഒരാഴ്ചയിലധികമായി മരണ റിപ്പോര്‍ട്ടുകള്‍ ഉണ്ടായിരുന്നില്ല. രാജ്യത്തെ ആകെ കോവിഡ് മരണം 600 ആയി. 43 കാരനാണ് കഴിഞ്ഞ ദിവസം മരിച്ചത്. വിട്ടുമാറാത്ത രോഗങ്ങള്‍ നേരത്തെ ഉണ്ടായിരുന്ന വ്യക്തിയാണ് മരിച്ചതെന്നും റിപ്പോര്‍ട്ടുകള്‍ സൂചിപ്പിക്കുന്നു.
