January 09, 2023
January 09, 2023
ന്യൂസ്‌റൂം ബ്യുറോ
ദോഹ :വാരാന്ത്യത്തിൽ ലഭിച്ച തുടർച്ചയായ മഴയ്ക്ക് ശേഷം ഖത്തറിൽ ഇന്ന് രാത്രി മുതൽ വീണ്ടും മഴ പെയ്തേക്കുമെന്ന് മുന്നറിയിപ്പ്.മഴയുടെ തീവ്രതയിൽ വ്യത്യസം അനുഭവപ്പെടാമെങ്കിലും ചൊവ്വാഴ്ച ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നും ബുധനാഴ്ച വരെ ഇതേ കാലാവസ്ഥ തുടരാൻ സാധ്യതയുണ്ടെന്നും ഖത്തർ കാലാവസ്ഥാ വിഭാഗം അറിയിച്ചു.
താപനിലയിൽ ഗണ്യമായ കുറവുണ്ടാകും. പരമാവധി 17 ഡിഗ്രി സെൽഷ്യസ് മുതൽ 21 ഡിഗ്രി സെൽഷ്യസ് വരെയും 11 ഡിഗ്രി സെൽഷ്യസിനും 16 ഡിഗ്രി സെൽഷ്യസിനും ഇടയിലായിരിക്കും ഈ ദിവസങ്ങളിലെ താപനില.
ഔദ്യോഗിക ഉറവിടങ്ങളിൽ നിന്ന് മാത്രം കാലാവസ്ഥാ അപ്‌ഡേറ്റുകൾ സ്വീകരിക്കണമെന്നും അനൗദ്യോഗിക സോഷ്യൽ മീഡിയ അക്കൗണ്ടുകളിൽ തെറ്റിദ്ധരിക്കപ്പെടരുതെന്നും സിവിൽ ഏവിയേഷൻ അതോറിറ്റി (ഖത്തർ കാലാവസ്ഥാ വകുപ്പ്) മുന്നറിയിപ്പ് നൽകി.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക
