June 25, 2023
June 25, 2023
ന്യൂസ്റൂം ബ്യുറോ
ദോഹ:ബജറ്റ് എയർലൈൻസായ എയർ ഇന്ത്യ എക്സ്പ്രസ്സ് വിമാനത്തിൽ യാത്രക്കാർക്കുള്ള ലഘുഭക്ഷണം റദ്ദ് ചെയ്ത നടപടി പിൻവലിക്കണമെന്ന് ഗപാഖ് ആവശ്യപ്പെട്ടു.എയർഇന്ത്യ എക്സ്പ്രസ് മാനേജ്മെന്റിനോട് രേഖാമൂലമാണ് സംഘടന ഇക്കാര്യം ആവശ്യപ്പെട്ടത്.സാധാരണക്കാരായ പ്രവാസികൾക്ക് കുറഞ്ഞ നിരക്കിൽ യാത്രയും ലഘു ഭക്ഷണം അടക്കമുള്ള സൗകര്യങ്ങൾ ലഭ്യമാക്കുക എന്ന ലക്ഷ്യത്തോടെ ആരംഭിച്ച ബജറ്റ് എയർലൈനായ എയർ ഇന്ത്യാ എക്സ്പ്രസ് പതിനെട്ട് വർഷമായി നൽകി വന്ന സൗജന്യ ഭക്ഷണമാണ് നിർത്തലാക്കിയത്.
കൂടുതൽ പണം നൽകിയാൽ മാത്രം ഭക്ഷണം നൽകുന്നത് സാധാരണ പ്രവാസികൾക്ക് പ്രയാസമാണെന്നും ടിക്കറ്റ് നിരക്കിന്റെ കാര്യത്തിൽ മറ്റു വിമാനക്കമ്പനികളുമായി താരതമ്യം ചെയ്യുമ്പോൾ ഏതാണ്ട് തതുല്യമായ ടിക്കറ്റ് നിരക്ക് വാങ്ങുമ്പോഴും ലഘു ഭക്ഷണം പോലും നിർത്തലാക്കുന്നത് അംഗീകരിക്കാനാവില്ലെന്നും ഗപാഖ് അറിയിച്ചു.
യാത്രക്കാരുടെ ആനുകൂല്യങ്ങൾ വെട്ടിക്കുറക്കുന്ന ഏകപക്ഷീയ തീരുമാനങ്ങൾ എടുക്കാനുള്ള അധികാരം എയർലൈനുകൾക്ക് വിട്ടു നൽകാതെ നിയന്ത്രിക്കാനുള്ള സർക്കാർ സംവിധാനങ്ങൾ ഉണ്ടാവേണ്ടതുണ്ടെന്നും ഗപാഖ് എക്സിക്യൂട്ടീവ് അഭിപ്രായപ്പെട്ടു.
പ്രസിഡണ്ട്, കെ.കെ. ഉസ്മാൻ, ജന: സെക്രട്ടറി ഫരീദ് തിക്കോടി, ഓർഗനൈസിംഗ് സെക്രട്ടറി അബ്ദുൽ റഊഫ് കൊണ്ടോട്ടി, ശാഫി , അബ്ദുൽ ഗഫൂർ എ.ആർ, മുസ്തഫ ഏലത്തൂർ, പി.പി. സുബൈർ, അൻവർ ബാബു, അൻവർ സാദത്ത് ടി.എം.സി, കോയ കൊണ്ടോട്ടി, ഹബീബു റഹ്മാൻ കിഴിശ്ശേരി, അമീൻ കൊടിയത്തൂർ, ഗഫൂർ കാലിക്കറ്റ്, കരീം ഹാജി മേമുണ്ട എന്നിവർ സംസാരിച്ചു.
ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/LiM4EdDAtkTAmYRCb0LMz9