March 26, 2023
March 26, 2023
ന്യൂസ്റൂം ബ്യുറോ
ദോഹ: ദോഹയിലെ മന്സൂറയില് ബഹുനില കെട്ടിടം തകര്ന്നുണ്ടായ അപകടത്തില് ഒരു മലയാളിയുടെ മൃതദേഹം കൂടി കണ്ടെടുത്തു. മലപ്പുറം പൊന്നാനി സ്വദേശി അബു ടി മമ്മാദുട്ടിയുടെ (45) മൃതദേഹമാണ് ശനിയാഴ്ച രാത്രി കണ്ടെടുത്തത്. ഇതോടെ മരിച്ച മലയാളികളുടെ എണ്ണം നാലായി. മലപ്പുറം പൊന്നാനി മാറഞ്ചേരി സ്വദേശി നൗഷാദ് മണ്ണറയില്(44), കാസര്കോട് പുളിക്കൂര് സ്വദേശി മുഹമ്മദ് അഷറഫ്(38) എന്നിവരുടെ മൃതദേഹം ശനിയാഴ്ച പകല് കണ്ടെത്തിയിരുന്നു. മലപ്പുറം നിലമ്പൂര് സ്വദേശി മുഹമ്മദ് ഫൈസലിന്റെ മരണം വെള്ളിയാഴ്ച തന്നെ സ്ഥിരീകരിച്ചിരുന്നു.
ജാര്ഖണ്ഡില് നിന്നുള്ള ആരിഫ് അസീസ് മുഹമ്മദ് ഹസ്സന്(26), ആന്ധ്രാപ്രദേശിലെ ചിരാന്പള്ളി സ്വദേശി ശൈഖ് അബ്ദുല്നബി ശൈഖ് ഹുസൈന്(61) എന്നിവര് ഉള്പ്പടെ ആറ് ഇന്ത്യക്കാരാണ് ബുധനാഴ്ചയുണ്ടായ ദുരന്തത്തില് മരണമടഞ്ഞത്.
ബുധനാഴ്ച രാവിലെ തകര്ന്ന കെട്ടിടത്തില് നിന്ന് ഏഴുപേരം രക്ഷാസംഘം ഉടനടി രക്ഷിച്ചിരുന്നു. വ്യാഴാഴ്ച രണ്ടു സ്ത്രീകളെയും രക്ഷിച്ചു. 12 കുടുംബങ്ങളെ അധികൃതര് സുരക്ഷിതമായി മാറ്റിയിരുന്നു.
അതെസമയം,അപകടത്തിൽ കൂടുതൽ മലയാളികൾ ഉൾപെട്ടിട്ടുണ്ടോ എന്ന ആശങ്കയിലാണ് ഖത്തറിലെ പ്രവാസി സമൂഹം.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva