May 04, 2022
May 04, 2022
ദോഹ : പെരുന്നാൾ ആഘോഷങ്ങളുടെ ഭാഗമായി ഖത്തർ ടൂറിസം സംഘടിപ്പിക്കുന്ന ഭീമൻ ബലൂൺ പരേഡ് ഇന്ന് രാത്രി 9.30ന് ദോഹ കോർണിഷിൽ നടക്കും.പ്രശസ്ത ഐക്കണുകളുടെയും കഥാപാത്രങ്ങളുടെയും പതിനഞ്ച് ഭീമാകാരമായ ബലൂണുകളാണ് പ്രദർശനത്തിൽ ഉണ്ടാവുക.വൈകുന്നേരം 4.30 നാണ് ദോഹ കോർണിഷിൽ ഇന്നത്തെ ആഘോഷ പരിപാടികൾക്ക് തുടക്കമാവുക.പ്രമുഖ ഖത്തരി ഗായകൻ നാസർ അൽ കുബൈസിയും അൽ ഖോർ ബാൻഡും ചേർന്ന് 7:30 ന് സംഗീത പരിപാടി അവതരിപ്പിക്കും.രാത്രി 9 മണിയോടെ വർണശബളമായ വെടിക്കെട്ട് ദോഹയുടെ ആകാശത്ത് തെളിയും.തുടർന്ന് 9.30 നായിരിക്കും ബലൂൺ പരേഡ്.കഴിഞ്ഞ ദിവസം നടക്കേണ്ടിയിരുന്ന ബലൂൺ പരേഡ് ശക്തമായ പൊടിക്കാറ്റ് കാരണം ഇന്നത്തേക്ക് മാറ്റിവെക്കുകയായിരുന്നു.സൂപ്പർ മാരിയോ,ആംഗ്രി ബേർഡ്സ്,ധൗ,ടീ പോട്ടും ടീ കപ്പും,തിമിംഗല സ്രാവ് എന്നിവ ഉൾപ്പെടെയുള്ള ഭീമൻ ബലൂണുകളാണ് പരേഡിന്റെ പ്രധാന ആകർഷണം.
ദോഹ കോർണിഷിൽ കഴിഞ്ഞ ദിവസം ആരംഭിച്ച ആഘോഷ പരിപാടികൾ നാളെ സമാപിക്കും.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക