September 20, 2022
September 20, 2022
ന്യൂസ്റൂം ബ്യുറോ
ദോഹ : പാർപ്പിട മേഖലകളിലും സമീപപ്രദേശങ്ങളിലും ട്രക്കുകൾ പാർക്ക് ചെയ്യുന്നത് തടയാൻ ദോഹ മുനിസിപ്പാലിറ്റി ബോധവത്കരണ കാമ്പയിൻ തുടരുന്നു.ഇതിന്റെ ഭാഗമായി മുനിസിപ്പാലിറ്റി ഉദ്യോഗസ്ഥർ ദോഹയിലെ വിവിധ സ്ഥലങ്ങൾ സന്ദർശിച്ച് നടത്തിയ പരിശോധനയിൽ നിരവധി നിയമലംഘനങ്ങൾ കണ്ടെത്തി. ഇത്തരം ട്രക്കുകളും ബസുകളും നിശ്ചിത കാലയളവിനുള്ളിൽ നീക്കം ചെയ്യണമെന്നാവശ്യപ്പെട്ട് ഉദ്യോഗസ്ഥർ വാഹനങ്ങളിൽ നോട്ടീസ് പതിപ്പിച്ചിട്ടുണ്ട്.
അനുവദിച്ച പാർക്കിങ് സ്ഥലങ്ങളിലൊഴികെ ഇത്തരം വാഹനങ്ങളോ അനുബന്ധ സ്പെയർപാർട്സുകളോ സൂക്ഷിച്ചാൽ കർശന നടപടിയുണ്ടാവുമെന്ന് ദോഹ മുനിസിപ്പാലിറ്റിയുടെ പൊതു നിയന്ത്രണ വിഭാഗം മേധാവി ഹമദ് സുൽത്താൻ അൽ ഷഹ്വാനി മുന്നറിയിപ്പ് നൽകി.
സെപ്റ്റംബർ 4 ന് കാമ്പയിൻ ആരംഭിച്ചത് മുതൽ 313 ട്രക്കുകളും വാഹനങ്ങളും അനുബന്ധ ഉപകരണങ്ങളും കണ്ടെത്തിയതായും ഉടമകളെത്തി നീക്കം ചെയ്തതായും അദ്ദേഹം കൂട്ടിച്ചേർത്തു.മുന്നറിയിപ്പിന് ശേഷവും നിയമലംഘനം തുടർന്നാൽ വാഹനം പിടിച്ചെടുക്കുന്നതിനൊപ്പം ഉടമകൾക്ക് 25,000 റിയാലിൽ കൂടാത്ത പിഴ ചുമത്തുമെന്നും ഹമദ് സുൽത്താൻ അൽ ഷഹ്വാനി കൂട്ടിച്ചേർത്തു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക