May 06, 2023
May 06, 2023
ന്യൂസ്റൂം ബ്യൂറോ
ദോഹ: ചാള്സ് രാജാവിന്റെ കിരീട ധാരണ ചടങ്ങില് പങ്കെടുക്കാന് ബ്രിട്ടനിലെത്തിയ ഖത്തര് അമീര് ശൈഖ് തമീം ബിന് ഹമദ് അല്ഥാനി പ്രധാനമന്ത്രി ഋഷി സുനകുമായി വെള്ളിയാഴ്ച കൂടിക്കാഴ്ച നടത്തി. ഇരു രാജ്യങ്ങളും തമ്മിലുള്ള സൗഹൃദം ശക്തിപ്പെടുത്തുക, എല്ലാ തലങ്ങളിലും സഹകരണവും സംയുക്ത പ്രവര്ത്തനങ്ങള് പ്രോത്സാഹിപ്പിക്കുക എന്നീ വിഷയങ്ങളാണ് ഇരുവരും ചര്ച്ച ചെയ്തതെന്ന് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു. ഭാവിയില് ഉയര്ന്ന വളര്ച്ചാ നിരക്ക് കൈവരിക്കാന് കഴിയുന്ന സുസ്ഥിര സമ്പദ്വ്യവസ്ഥ കെട്ടിപ്പടുക്കുന്നതിനും വിദ്യാഭ്യാസം, ആരോഗ്യം, തുടങ്ങിയ മേഖലകളില് പങ്കാളിത്തം വിപുലീകരിക്കുന്നതിനും വിജ്ഞാനാധിഷ്ഠിതവും നൂതനവുമായ വ്യവസായങ്ങളുടെ ആഗോള കേന്ദ്രമായി ഖത്തറിനെ മാറ്റിയെടുക്കുക എന്ന ലക്ഷ്യത്തിന്റെ ഭാഗം കൂടിയാണ് ഈ കൂടിക്കാഴ്ച. ലണ്ടനില് ബ്രിട്ടീഷ് പ്രധാനമന്ത്രിയുടെ ഔദ്യോഗിക വസതിയായ ഡൗണിങ് സ്ട്രീറ്റിലായിരുന്നു കൂടിക്കാഴ്ച.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL