September 28, 2022
September 28, 2022
ന്യൂസ്റൂം ബ്യുറോ
ദോഹ : സൗദി പ്രധാനമന്ത്രിയായി നിയമിതനായ സൗദി കിരീടാവകാശി മുഹമ്മദ് ബിൻ സൽമാനെ ഖത്തർ അമീർ ശൈഖ് തമീം ഹമദ് അൽതാനി അഭിനന്ദനം അറിയിച്ചു.കേബിൾ സന്ദേശത്തിൽ പ്രധാനമന്ത്രിക്ക് വിജയാശംസകൾ നേർന്ന അമീർ,ഇതിലൂടെ ഖത്തറും സൗദി അറേബ്യയും തമ്മിലുള്ള ബന്ധം കൂടുതൽ വികസനവും വളർച്ചയും.പ്രാപിക്കാനുള്ള അവസരമായി ഇത് മാറുമെന്നും പ്രത്യാശ പങ്കുവെച്ചു.
സൗദി അറേബ്യയുടെ കിരീടാവകാശിയായ മുഹമ്മദ് ബിൻ സൽമാനെ പ്രധാനമന്ത്രിയായി നിയമിച്ചുകൊണ്ട് സൽമാൻ രാജാവാണ് ചൊവ്വാഴ്ച രാത്രി ഉത്തരവിറക്കിയത്. നിലവില് സൗദി അറേബ്യയുടെ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമാണ് മുഹമ്മദ് ബിൻ സൽമാൻ.അദ്ദേഹത്തെ പ്രധാനമന്ത്രിയായി അവരോധിച്ചും അമീർ ഖാലിദ് ബിൻ സൽമാനെ പ്രതിരോധ മന്ത്രിയായി നിയമിച്ചുമാണ് പുതിയ ഉത്തരവിറക്കിയത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക