May 11, 2023
May 11, 2023
ന്യൂസ്‌റൂം ബ്യൂറോ
ദോഹ: ഏഷ്യന്‍ കപ്പ് ഫുട്‌ബോളിന്റെ ഉദ്ഘാടനമത്സരം അല്‍ബെയ്ത്ത് സ്‌റ്റേഡിയത്തില്‍ നടക്കും. ലോകകപ്പ് മത്സരങ്ങളുടെ അതേ സീറ്റുകള്‍ നിലനിര്‍ത്തിയാകും മത്സരം നടക്കുക. ജനുവരി 12 നാണ് മത്സരം.
ലോകകപ്പ് ഫുട്‌ബോളിന് ആതിഥേയരായ ഖത്തറില്‍ തന്നെയാണ് ഏഷ്യന്‍ കപ്പ് ഫുട്‌ബോളിന് തുടക്കമിടാനായി തിരഞ്ഞെടുത്തത്. ആതിഥേയരും നിലവിലെ ചാമ്പ്യന്മാരുമായ ഖത്തറിന്റെ എതിരാളികള്‍ ആരാണെന്ന് അറിവായിട്ടില്ല. ലോക കപ്പിന് ഒരുക്കിയ എല്ലാ സൗകര്യങ്ങളും ഏഷ്യന്‍ കപ്പിനും അല്‍ബെയ്ത്തിലുണ്ടാകും. സീറ്റുകളുടെ കാര്യത്തില്‍ കുറവ് വരുത്തില്ലെന്ന് സ്റ്റേഡിയം മാനേജര്‍ മുഹമ്മദ് അബ്ദുള്ള അല്‍ ഹമ്മാദി പറഞ്ഞു. 69000ത്തോളം വരുന്ന കാണികള്‍ക്ക് കളിയാസ്വദിക്കാനുള്ള സൗകര്യം അല്‍ബെയ്ത്തിലുണ്ട്. അല്‍ബെയ്ത്തില്‍ എത്ര മത്സരങ്ങള്‍ നടക്കും എന്ന കാര്യം നറുക്കെടുപ്പിന് ശേഷം മാത്രമേ പുറത്തുവിടാനാവൂ. അല്‍ ജനൂബ് സ്റ്റേഡിയം, അഹമ്മദ് ബിന്‍ അലി സ്റ്റേഡിയം, അല്‍ തുമാമ സ്റ്റേഡിയം, എജ്യൂക്കേഷന്‍ സിറ്റി സ്റ്റേഡിയം, ഖലീഫ ഇന്റര്‍നാഷണല്‍ സ്റ്റേഡിയം, ജാസിം ബിന്‍ ഹമദ്. അബ്ദുല്ല ബിന്‍ ഖലീഫ സ്റ്റേഡിയം എന്നിവയാണ് മറ്റുവേദികള്‍.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL
